ខេត្តកំពត ៖ នាព្រឹកថ្ងៃទី០២ ខែមិថុនា ឆ្នាំ២០២១ លោក អ៉ឹម ច័ន្ទសោធន អញ្ជើញជួបសំណេះសំ ណាល និងនាំយកអំណោយសប្បុរសជនមកប្រគល់ជូនរដ្ឋបាលឃុំបឹងទូក ដេីម្បីចែកជូនគ្រួសារក្រីក្រខ្វះខាតងាយរងគ្រោះក្នុងអំឡុង ពេលទប់ស្កាត់ការរីករាលដាលនៃជំងឺកូវីដ-១៩ នៅក្នុងសហគមន៍។
អំណោយរបស់សប្បុរសជនដែលនាំយកមកប្រគល់ជូនរដ្ឋបាលឃុំបឹងទូករួមមាន ៖ អង្ករ ១,០០០kg ,ម៉ាស់២,៥០០ម៉ាស់, និងទឹកអាល់កុលចំនួន៣០លីត្រផងដែរ។
ជាមួយគ្នានេះលោក អ៊ឹម ច័ន្ទសោធន ក៏បានផ្សព្វផ្សាយសេចក្តីសម្រេចលេខ០៨៩/២១ សសរ របស់រដ្ឋបាលខេត្តកំពត ស្តីអំពីការអនុវត្តវិធានការរដ្ឋបាលបណ្តោះអាសន្នដើម្បីទប់ស្កាត់ការឆ្លងរាលដាលនៃជំងឺកូវីដ១៩ ក្នុងភូមិសាស្រ្តខេត្តកំពត ចាប់ពីថ្ងៃទី២ ដល់ទី៩ ខែមិថុនា ២០២១នេះ។
ឆ្លៀតនៅក្នុងឲ្យកាសនោះ លោក អ៊ឹម ច័ន្ទសោធន បានអំពាវនាវសូមឲ្យរដ្ឋបាលឃុំបឹងទូកជួយផ្សព្វផ្សាយនិងពង្រឹងបន្ថែមទៀតចំពោះអ្នកចំណូលថ្មី ព្រមទាំងតាមដានអ្នកដែលកំពុងតែធ្វើចត្តាឡីស័ក និងកុំឲ្យមានការជួបជុំគ្នានៅតាមទីសាធារណៈជូនដល់បងប្អូនប្រជាពលរដ្ឋដើម្បីចូលរួមអនុវត្តនូវវិធានការរបស់ក្រសួងសុខាភិបាលឲ្យបានភ្ជាប់ខ្ជួន និងវិធានការ ៣ការពារ ៣កុំ របស់រាជរដ្ឋាភិបាល ៕
