ភ្នំពេញ ៖ នៅវេលាម៉ោង ០៨ៈ៣០ នាទីព្រឹក ថ្ងៃពុធ ៧កើត ខែបឋមាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនិងថ្ងៃទី១៦ ខែមិថុនា ឆ្នាំ២០២១នេះ អាជ្ញាធរ ខណ្ឌមានជ័យ ដឹកនាំដោយ លោក ឌី រ័ត្នខេមរុណ អភិបាលរង ខណ្ឌមានជ័យ និងលោក ទូច សុទ្ធមុត តំណាងក្រសួងការងារ បានចុះផ្សព្វផ្សាយ និងទប់ស្កាត់ការរីករាលដាលនៃជំងឺ កូវីដ-១៩ នូវវិធានការ ៣កុំ ៣ការពារ នៅរោងចក្រកាត់ដេរសម្លៀកបំពាក់ សេន ចូវ ស្ថិតនៅផ្លូវវ៉េងស្រេង ភូមិដំណាក់ធំ២ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ ដែលមានសមាសភាពចូលរួមមាន ៖
– ក្រុមការងារ ក្រសួងការងារ និង បណ្តុះបណ្តាលវិជ្ជាជីវៈ
– លោក វរសេនីយ៍ទោ ជឹម សុភក្រ្ត័ អធិការរង នគរបាល ខណ្ឌមានជ័យ
– លោក វរសេនីយ៍ត្រី សេន បូណា មេបញ្ជាការរង មូលដ្ឋានកងរាជអាវុធហត្ថ ខណ្ឌមានជ័យ ។
– លោក យាន ឧត្ដម សនាជិកក្រុមប្រឹក្សារសង្កាត់ស្ទឹងមានជ័យ៣ ។
– លោក ហួត សុខ រដ្ឋបាល រោងចក្រ សេន ចូវ ។
ក្រោយពីបានពិនិត្យរួចមក លោក ឌី រ័ត្នខេមរុណ អភិបាលរង ខណ្ឌមានជ័យ និងក្រុមការងារ បានពិនិត្យឃើញថា រោងចក្រខាងលើ ដែលមានកម្មករ សរុប ចំនួន ២,០៥០ នាក់ ស្រី ១,៨៥៩ នាក់ បរទេស ៥២ នាក់ ស្រី ២២ នាក់ ក្នុងនោះដែររកឃើញវិជ្ជមានមេរោគកូវីដ-១៩ ០១ នាក់/ ២,០៥០ នាក់ (ករណីថ្មី) ។ ជាមួយគ្នានេះដែរ លោក ឌី រ័ត្នខេមរុណ អភិបាលរង ខណ្ឌមានជ័យ បានណែនាំទៅដល់តំណាង រោងចក្រ ត្រូវជម្រុញឲ្យបុគ្គលិក និងកម្មករ ទាំងអស់ដែលពាក់ព័ន្ធ អ្នកវិជ្ជមាន មេរោគកូវីដ-១៩ ទៅយកសំណាកប្រសិនបើមានអាការះសង្ស័យ និងត្រូវអនុវត្តនូវវិធានការ ៣ការពារ និង ៣កុំ របស់ រាជរដ្ឋាភិបាល អោយបានខ្ជាប់ខ្ជួនជានិច្ច ។
