ខេត្តបន្ទាយមានជ័យ៖ នារសៀលថ្ងៃសុក្រ ៨ រោច ខែបឋមាសាឍ ឆ្នាំឆ្លូវត្រីស័ក ពុទ្ធសករាជ ២៥៦៥ត្រូវនឹងថ្ងៃទី២ ខែកក្កដា ឆ្នាំ២០២១ ឯកឧត្តម ង៉ោ ម៉េងជ្រួន អភិបាលរងខេត្តបន្ទាយមានជ័យ និង លោក គាត ហ៊ុល អភិបាល នៃគណៈអភិបាលក្រុងប៉ោយប៉ែត អញ្ជើញ បើកកិច្ចប្រជុំបន្ទាន់ រវាងតំណាងអាជ្ញាធរ ខេត្តស្រះកែវ ប្រទេសថៃ នឹងអាជ្ញាធរកម្ពុជា ដើម្បីរកដំណោះស្រាយ ចាក់វ៉ាកសាំងជូន បងប្អូនប្រជាពលរដ្ឋដូចជាអាជីវករ កម្មករ លក់ដូរ ស្នាក់នៅ ក្នុងផ្សារ ឡុងគ្លឿរ ។
ដូច្នេះសូមបងប្អូនប្រជាពលរដ្ឋកម្ពុជា ដែលរស់នៅ ស្រុកអារញ្ញប្រាថេត ខេត្តស្រះកែវ ជាអាជីវករ កម្មករ សូមកុំមានការលួចឆ្លងដែន ខុសច្បាប់ ក្នុងគោលបំណង មកចាក់វ៉ាក់សាំង នៅក្រុងប៉ោយប៉ែត ព្រោះ អាជ្ញាធរ លោក កំពុងតែគិតគូរ នៅបញ្ហានេះហើយ ។ដោយ,លោកចាន់ពុធ
