ខេត្តស្វាយរៀង៖ ឈ្មួញរកស៊ី ឈើ និងដើមឈើ ចាប់កម្រើកទៀតហើយនាំគ្នាដឹកឆ្លងដែនចេញទៅប្រទេសវៀតណាម គគ្រឹកគគ្រេងប៉ុន្មានថ្ងៃនេះទៅយ៉ាងរលូន ករណីនេះបានកើតឡើងនៅវេលាម៉ោង១០និង៣០នាទីយប់ថ្ងៃទី០៣ខែកក្កដាឆ្នាំ២០២១ហើយបានឆ្លងដែនទៅប្រទេសវៀតណាមនៅវេលាម៉ោង២និង៣០នាទីទៀបភ្លឺ
ថ្ងៃទី០៤ខែកក្កដាឆ្នាំ២០២១នៅចំណុចច្រករបៀងសំយ៉ោងឃុំសំយ៉ោងស្រុកកំពង់រោទ៌ ខេត្ដស្វាយរៀង។
បើតាមសមត្ថកិច្ចនគបាលស្រុករមាសហែកបានឲ្យដឹងថា ក្រុមឈ្មួញបានដឹកឈើ និងដើមឈើធំៗ ពីខេត្តនានាចូលមកស្តុកទុកនៅតាមផ្ទះជាប់ផ្លូវជាតិលេខ១៣ស្ថិតក្នុងភូមិថ្នល់ពាមឃុំអង្គប្រស្រែស្រុករមាសហែក ប្រភពបន្តទៀតថា បន្ទាប់មកនៅវេលម៉ោង៩ទៅ១០យប់ពួកឈ្មួញបានដឹកបន្តឆ្លងដែនទៅប្រទេសវៀតណាម ចេញតាមច្រករបៀងក្នុងស្រុករមាសហែកនិងស្រុកកំពង់រោទ៌ខេត្ដស្វាយរៀង។
ទាក់ទិនករណីនេះដែរ លោកស៊ូ ម៉ុល អភិបាលស្រុករមាសហែក បានឲ្យដឹងថា កាលពីរសៀលថ្ងៃទី០២ខែកក្កដាឆ្នាំ២០២១ លោកបានឲ្យមន្ត្រីសាលាស្រុកសហការជាមួយមន្ត្រីនគបាលចុះទៅផ្ទះស្តុកដើមឈើ មួយកន្លែងនៅភូមិថ្នល់ពាម ដើម្បីសាកសួរ ម្ចាស់ផ្ទះបានប្រាប់ថា ឈើដែលស្ទូចលើកដាក់លើរថយន្តនេះពួកគេបម្រុងដឹកចេញទៅលក់ឲ្យអ្នកស្រុកខេត្តព្រៃវែងដាំលម្អរផ្ទះ លុះដល់ពេលយប់លោកដាក់កម្លាំងសមត្ថកិច្ចដើម្បីស្ទាក់ឃាត់សួររកច្បាប់ទម្លាប់ ក៏ប៉ុន្តែពួកឈ្មួញទំនងដឹងខ្លួនទើបមិនដឹកដើមឈើចេញ។
ប៉ុន្ដែរហូតដល់ម៉ោង៩យប់ថ្ងៃទី០៣ខែកក្កដាឆ្នាំ២០២១ ឈ្មួញដឹកដើមឈើចេញមកស្រុករំដួលឆ្លងកាត់ក្រុងស្វាយរៀងហើយចេញទៅតាមផ្លូវជាតិលេខ១ រួចចុះតាមផ្លូវជាតិលេខ៣១៤Dឆ្ពោះទៅស្រុកកំពង់រោទ៌ ខេត្ដស្វាយរៀង។
បើតាមមហាជនវិញបានលើកឡើងថា គេឃើញមានសមត្ថកិច្ច ឃាត់រថយន្តដឹកឈើខាងលើ ពិនិត្យបានមួយដង្ហើមចង្រឹតស្រាប់តែឲ្យចេញទៅយ៉ាងរលូន។
ទាក់ទិនករណីនេះដែរ លោកប្រធានប៉ុស្តិ៍វរការពារព្រំដែន នៃតំបន់ប្រតិបត្តិការសឹករងស្វាយរៀង ប្រចាំ ច្រករបៀងសំយ៉ោងបានឲ្យដឹងថា លោកបានសុំច្បាប់មេដោយជាប់ធ្វើចត្តាឡីសក័នៅផ្ទះ៧ថ្ងៃហើយ ក៏ប៉ុន្តែពិតជាមានករណីឈ្មួញនាំដើមឈើចេញទៅប្រទេសវៀតណាមមែន គឺខាងវៀតណាមយកត្រាក់ទ័រចូលមកដឹក
មន្ត្រីលោករាយការណ៍ថា ដើម ម្ជូរអំពឹល និងដើមទឹកដោះ ដឹកចេញតាមវាលខាងកើតប៉ុស្ត៍ច្រករបៀងចេញទៅប្រទេសវៀតណាមអស់ហើយ។
ហើយនេះគឺជាទីតាំងស្តុកដើមឈើ និងគល់ឈើធំៗ មានដើមកកោះ ដើមធ្នង់ ដើមសុក្រម និងដើមឈើ ប្រណិតជាច្រើនមុខទៀតដែលឈ្មួញដឹកមកស្តុកទុកមុននិងដឹកចេញទៅប្រទេសវៀតណាម។
បើតាមមន្ត្រីម្នាក់សុំមិនបញ្ចេញឈ្មោះបានឲ្យដឹងថា ឈ្មួញចាប់ផ្តើមនាំឈើនិងដើមឈើចេញទៅប្រទេសវៀតណាម ជិត១ខែមកហើយខណៈអាជ្ញាធរកំពុងរវល់ចុះអប់រំប្រជាពលរដ្ឋនិងស្រាវជ្រាវ អ្នកវិជ្ជមានកូវីដ១៩ ឈ្មួញឆ្លៀតឱកាស់នាំដើមឈើចេញយ៉ាងរលូនតែម្តង។
ចំពោះរកណីនេះដែរ ត្រូវបានលោក ម៉ែន វិបុល អភិបាលខេត្តស្វាយរៀង បានប្រាប់មកអ្នកសារព័ត៌មាន ថា ៖ ចំពោះបញ្ហារនេះ ខ្ញុំមិនដឹងទេ សូមសួរទៅថ្នាក់ក្រោមទៅ ដួចជាប៉ូលីស ឬមេព្រៃទៅ ៕
