ខេត្ដកំពង់ចាម ៖ អ្នកធ្វើដំណើរតាមផ្លូវបានធ្វើការរិះគន់ទៅលើក្រុមហ៊ុនរកស៊ីដឹកដី និងអាជ្ញាធរមូលដ្ឋានថា មិនបានយកចិត្តទុកដាក់ នាំឲ្យផ្លូវបេតុងមួយខ្សែពោរពេញដោយកំណកដី ដែលនាំឲ្យអ្នកជិះម៉ូតូរអិល ប៊ិះដួលស្ទើរតែគ្រប់ៗគ្នា។
តាមប្រភពព័ត៌មានពីប្រជាពលរដ្ឋ បានប្រាប់នៅថ្ងៃទី១៤ ខែកក្កដា ឆ្នាំ២០២១នេះថា ផ្លូវបេតុងមួយខ្សែដែលធ្វើដំណើរពីវត្តអំពិលស្ពានទី២ ក្នុងស្រុកស្រីសន្ធរ ខេត្តកំពង់ចាម បានក្លាយជាកំណកដី ដែលនាំឲ្យអ្នកធ្វើដំណើរពិបាកធ្វើដំណើរជាខ្លាំង ភាគច្រើនជាអ្នកជិះម៉ូតូដែលនាំឲ្យរអិលបិះដួលស្ទើរគ្រប់ៗគ្នា។
អ្នកធ្វើដំណើរ សំណូមពរដល់ក្រុមហ៊ុនរកស៊ីដឹកដី និងអាជ្ញាធរមូលដ្ឋាន មេត្តាជួយពិនិត្យជុំវិញបញ្ហានេះផង៕
