ភ្នំពេញ ៖ នៅព្រឹកថ្ងៃព្រហស្បតិ៍ ១២រោច ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៥ ខែសីហា ឆ្នាំ២០២១ដោយមានការអនុញ្ញាតពីលោក ថេង សុថុល អភិបាល នៃគណៈអភិបាលខណ្ឌចំការមន។
រដ្ឋបាលខណ្ឌចំការមន ដឹកនាំដោយលោកបណ្ឌិត អាំង សិរីពិសិដ្ឋ អភិបាលរងខណ្ឌ រួមជាមួយក្រុមការងាររដ្ឋបាលខណ្ឌ, រដ្ឋបាលសង្កាត់ផ្សារដើមថ្កូវ និងកម្លាំងសណ្ដាប់ធ្នាប់ខណ្ឌ បានចុះអនុវត្តវិធានការរដ្ឋបាល ដោយរុះរើរបង បង្គន់អនាម័យ ទីលានវាយបាល់ទះ និងសម្ភារផ្សេងៗ ដែលបានដាក់រំលោភលើផ្ទៃបឹងត្របែក ដែលស្ថិតនៅផ្លូវលេខ៤៩៤ ភូមិ២ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។
កន្លងមករដ្ឋបាលខណ្ឌ និងរដ្ឋបាលសង្កាត់ផ្សារដើមថ្កូវ បានចុះណែនាំ និងចេញសេចក្ដីជូនដំណឹងជាច្រើនដងមកហើយ ប៉ុន្តែម្ចាស់នៅតែមិនបានអនុវត្តតាមការណែនាំរបស់រដ្ឋបាលខណ្ឌ និងសង្កាត់នោះទេ។
