ខេត្តស្វាយរៀង ៖ ឯកឧត្តម តូច ប៉ូលីវ៉ា អភិបាលរងខេត្ត តំណាងឯកឧត្តមអភិបាលខេត្ត និង ឯកឧត្ដម ជិន ប៊ុនធឿន តំណាង ឯកឧត្ដម ឌី វិជ្ជា និងលោកជំទាវ ហ៊ុន ម៉ាណា ដែលមានការអញ្ជើញចូលរួមពី ឯកឧត្ដម រាណ សុវណ្ណារិទ្ធិ សមាជិកក្រុមប្រឹក្សាខេត្ត លោក ណុប ចំរើន អភិបាលក្រុងស្វាយរៀង នាព្រឹកថ្ងៃអាទិត្យ ១៥រោច ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៨ ខែសីហា ឆ្នាំ២០២១ បានអញ្ជើញនាំយកទេយ្យទាន សម្ភារ និងថវិកា ដែលជាអំណោយរបស់អ្នកឧកញ៉ាព្រឹទ្ធមហាឧបាសិកាធម្មញ្ញាណវឌ្ឍនា ប៊ុន ស៊ាងលី មកប្រគេនដល់ព្រះសង្ឃដែលគង់ចាំអស់ព្រះវស្សា ចំនួន៩វត្ត ក្នុងក្រុងស្វាយរៀង។
វត្តទាំង៩រួមមាន ៖ ទី១ វត្តព្រះទន្លេ ទី២វត្តក្រសាំងជ្រំ ទី៣វត្តជម្ពូព្រឹក្សា(សង្កាត់សង្ឃ័រ) ទី៤វត្តមុនីសាលា ទី៥វត្តព្រះពុទ្ធស្វាយរៀង (សង្កាត់ស្វាយតឿ) ទី៦វត្តសន្តិភាព (សង្កាត់ស្វាយរៀង) ទី៧វត្តកោះជុំ (សង្កាត់គយត្របែក) ទី៨ វត្តព្រៃឆ្លាក់(សង្កាត់ព្រៃឆ្លាក់) ទី៩ វត្តចេក(សង្កាត់ចេក)។
ក្នុងឪកាសនោះដែរ ឯកឧត្តម តូច ប៉ូលីវ៉ា បានពុំនាំពាក្យផ្ដាំផ្ញើរសួរសុខទុក្ខពីសំណាក់ ឯកឧត្ដម ឌី វិជ្ជា និងលោកជំទាវ ហ៊ុន ម៉ាណា និងណែនាំដល់ព្រះសង្ឃ គណៈកម្មការអាចារ្យវត្ត ត្រូវអនុវត្តអោយបានខ្ជាប់ខ្ជួននូវវិធានការ ៣ការពារ និង៣កុំ របស់ក្រសួងសុខាភិបាល និងជួយផ្សព្វផ្សាយដល់ពុទ្ធបរិស័ទ្ធចំណុះជើងវត្តត្រូវមានការប្រុងប្រយ័ត្ន ត្រូវពាក់ម៉ាស់ លាងសម្អាតដៃជាមួយ ជែល ឬ សាប៊ូ និង រក្សាគម្លាត៕
