ភ្នំពេញ ៖ នៅរសៀលថ្ងៃទី០៨ ខែសីហា ឆ្នាំ២០២១ ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល បានអញ្ជើញចុះពិនិត្យទីតាំងមណ្ឌលចាក់វ៉ាក់សាំងបង្ការជំងឺកូវីដ-១៩ ជូនដល់កុមារ និងយុវវ័យ ដែលមានអាយុចាប់ពី ១២ឆ្នាំ ដល់ក្រោម១៨ឆ្នាំ នៅទីតាំងចាក់វ៉ាក់សាំងមណ្ឌលសុខភាពទឹកថ្លា ខណ្ឌសែនសុខ រាជធានីភ្នំពេញ។
គួររំលឹកថា៖ កម្ពុជាជាប្រទេសតូចមែន ប៉ុន្តែក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា សម្តេចបានខិតខំរកវ៉ាក់សាំងមកចាក់ជូនប្រជាពលរដ្ឋឲ្យបានគ្រប់គ្នា និងលឿនបំផុត ហើយការចាក់វ៉ាក់សាំងជូនកុមារ និងយុវវ័យនេះអាចនិយាយបានថាប្រទេសក្នុងតំបន់អាស៊ានស្ទើរតែគ្មានវ៉ាក់សាំងចាក់ដូចកម្ពុជាទេ។
សូមបងប្អូនប្រជាពលរដ្ឋចូលរួមការពារអនុវត្តតាមការណែនាំរបស់រាជរដ្ឋាភិបាល និងអនុវត្តវិធានការសុខាភិបាលជាប្រចាំ ដើម្បីទប់ស្កាត់ការឆ្លងរីករាលដាលជំងឺកូវីដ-១៩។
