ខេត្ដស្វាយរៀង ៖ នៅព្រឹកថ្ងៃអាទិត្យ ១១ កើត ខែអស្សុជ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១៧ ខែតុលា ឆ្នាំ២០២១នេះ មហាឧបានសិការពុទ្ធសាសនូបត្ថម្ភក៍ ហុឹម ម៉ាលី ត្រូវជាម្តាយបង្កើតរបស់លោកឧត្តមសេនីយ៍ទោ ហេង ឡាលីន និងក្រុមគ្រួសារមកបានអញ្ជើញនាំយកអំណោយមកចែកជូនដល់បងប្អូនប្រជាពលរដ្ឋដែលមានជីវភាពខ្វះខាតចំនួន២០០ គ្រួសារ ដែលស្ថិតនៅវត្ដលក្ខរាជា ឃុំកំពង់ចក ស្រុករំដួល ខេត្ដស្វាយរៀង។
នៅក្នុងពិធីចែកអំណោយនោះក៏មានការនិមន្តអញ្ជើញចូលរួមពីព្រះគ្រូចៅអធិការវត្តលក្ខរាជា លោកមេ ឃុំកំពង់ចក លោកនាយប៉ុស្តិ៍រដ្ឋបាលនគរបាលកំពង់ចក និងបងប្អូនប្រជាពលរដ្ឋជាច្រើនអ្នកផងដែរ។
អំណោយដែលទទួលបានក្នុង០១ គ្រួសាររួមមាន ៖ ទឹកត្រី១យួរ ទឹកសុីអុីវ១យួរ ទឹកបរិសុទ្ធ១យួរ សារ៉ុង១ មុង១ ភួយ១ ក្រណាត់សរ១ដុំ និងថវិការ៥មុឺនរៀល។
បន្ទាប់ពីចែកអំណោយរួចដោយមានទឹកចិត្តជ្រះថ្លាក្នុងវិស័យព្រះពុទ្វសាសនាមហាឧបានសិការសាសនូបត្ថម្ភក៍ ហុឹម ម៉ាលី បានឧត្ថម្ភថវិកាផ្ទាល់ខ្លួនចំនួន ១០០$(មួយពាន់ដុល្លា)ដើម្បីធ្វើសួនច្បានៅក្នុងវត្តលក្ខរាជានេះផងដែរ។
បើតាមសង្ឃីដីការរបស់ព្រះគ្រូចៅវត្តលក្ខរាជាបានបញ្ជក់ប្រាប់អ្នកសារព័ត៌មានយើងយ៉ាងដូច្នេះថា សរុបថវិកាដែលមហាឧបានសិការសាសនូបត្ថម្ភក៍ ហុឹម ម៉ាលី និងកូនប្រុសកូនស្រី កូនប្រសារ ព្រមទាំងចៅៗដែលបានចូលរួមកសាងសមិត្តិផលនានានៅក្នុងវត្តលក្ខរាជាចំនួន១២០០$(មួយមុឺនពីរពាន់ដុល្លា)។
ក្នុងឳកាសនោះផងដែរលោកស្រី ក៏បានមានប្រសាសន៍សាកសួរសុខទុក្ខជាមួយបងប្អូនប្រជាពលរដ្ឋដែលមកទទួលអំណោយនិងបានផ្តាំផ្ញើដល់បងប្អូនប្រជាពលរដ្ឋទាំងអស់គ្នាត្រូវបន្តចូលរួមប្រុងប្រយ័ត្នឲ្យបានខ្ពស់បន្តទៀត និងធ្វើអនាម័យជាប់ជាប្រចាំ ដោយអនុវត្តតាមការណែនាំរបស់ក្រសួងសុខាភិបាលអោយបានត្រឹមត្រូវ និងអនុវត្តអោយបានម៉ឺងម៉ាត់នូវវិធានការបង្ការ ការពារ និងទប់ ស្កាត់ ការរីករាលដាលនៃជំងឺកូវីដ-១៩ កុំអោយកើតក្នុងគ្រួសារ និងនៅក្នុងសហគមន៍របស់យើង ពិសេសត្រូវបន្តអនុវត្តឲ្យបានខ្ជាប់ខ្ជួននូវវិធានការ ៣ការពារ ៣កុំ ដែលបានដាក់ចេញដោយប្រមុខរាជរដ្ឋាភិបាល ៕
