ខេត្តសា្វយរៀង ៖ នៅព្រឹកថ្ងៃអាទិត្យ៣រោច ខែអស្សុជ ឆ្នាំឆ្លូវត្រីស័កព.ស.២៥៦៥ ត្រូវនឹងថ្ងៃទី២៤ ខែតុលា ឆ្នាំ២០២១ ដោយមានជំងឺប្រចាំកាយត្រូវទៅព្យាបាលនៅរាជធានីភ្នំពេញអតីតលោកសង្ឃ យ៉ាន់ សានី បានសុំលាចាកសិក្ខាបទមុនថ្ងៃកំណត់នៃកិច្ចសន្យាដែលថានិងសឹកនៅថ្ងៃសុក្រ៨រោច ខែអស្សុជ ឆ្នាំឆ្លូវត្រីស័កព.ស.២៥៦៥ ត្រូវនឹងថ្ងៃទី២៩ ខែតុលា ឆ្នាំ២០២១ នៅវត្តពោធិ៍ពិសី ស្ថិតនៅភូមិឃ្លាំង ឃុំពោធិ៍រាជ ស្រុកស្វាយជ្រំ ខេត្តស្វាយរៀង។
ក្រោយមានពាក់បណ្តឹងពីខាងស្រីមានឈ្មោះ ច ល ដ មានយុ១៧ ឆ្នាំ នៅភូមិឃ្លាំង ឃុំពោធិ៍រាជ ស្រុកស្វាយជ្រំ ខេត្តស្វាយរៀងចូលមកសាលាអនុគុណស្រុកស្វាយជ្រំដើម្បីសុំឲ្យ ព្រះគ្រូអម្ពរសីលគុណ សេក ម៉ៅ អនុគុណស្រុកស្វាយជ្រំ ដើម្បីសុំឲ្យជួយរកយុត្តិធម៌ដល់ខ្លួនកាលពីថ្ងៃទី២២ ខែតុលា ឆ្នាំ២០២១ កន្លងមកដែលបាននិមន្តអញ្ជើញចូលរួមពីព្រះមន្ត្រីសង្ឃគ្រប់ជាន់ថ្នាក់ និងមន្ត្រីរាជការ បន្ទីពាក់ព័ន្ធទាំងអស់នៅក្នុងខេត្តបាននិមន្តអត្តតលោកសង្ឃ យ៉ាន់ សានី មកធ្វើការបំភ្លឺនៅនោះដែរតែលោកអាពាធ។
គួរម្លឹកផងដែរថានៅថ្ងៃទី២៣ ខែតុលា ឆ្នាំ២០២១ អតីតបុគ្គល់សង្ឃ យ៉ាន់ សានី បានចូលខ្លួនមកបំភ្លឺនៅចំពោះព្រះភ័ក្រមន្ត្រីសង្ឃ និងមន្ត្រីរាជការមន្ទីពាក់ព័ន្ធនៅក្នុងខេត្តអន្ទិត យ៉ាន់ សានី បានសារភាពថាខ្លួនពិតជាបានប្រព្រឹត្តិដូចពាក្យបណ្តឹងរបស់ប្អូនស្រី ច ល ដ ពិតប្រាកដមែនដូច្នេះអតីតបុគ្គល យ៉ាន់ សានី ក៏សុំធ្វើកិច្ចសន្យាដើម្បីលាចាកសិក្ខាបទនិងទទួលខុសត្រូវចំពោះប្អូនស្រីនូវអ្វីដែរខ្លួនបានធ្វើ។
លោក ស្រី សាវង់ ប្រធានអាចារ្យវត្តពោធិ៍ពិសីបានប្រាប់អ្នកសារព័ត៌មានយើងថារឿងដែលកើតមានការផ្ទុះតវ៉ានោះគឺធ្វើដើម្បីស្វែងរកយុត្តិធម៍ទាំងជនរងគ្រោះ និងភិក្ខុសង្ឃ យ៉ាន់ សានី ហើយលោកអាចារ្យបានប្រកាសថាបើមានស្ត្រីណាបានប៉ះពាល់ជាមួយភិក្ខុសង្ឃ យ៉ាន់ សានី សូមឲ្យចេញមុខមកព្រោពេលនោះមានមន្ត្រីសង្ឃ និងស្ថាបនប៉ូលីសនៅទីនេះហើយគេផ្តល់យុត្តិធម៍អោយតែពេលនោះមិនមាននារីណាចេញមុខមកឡើយ ។
លោកអាចារ្យ ស្រីវង់ បានមានប្រសាសន៍បន្តទៀតថាក្រោយពេលដឹងពីចំហុសឆ្គង់របស់ភិក្ខុ យ៉ាន់ សានី ហើយពួកគាត់មិនទទួលបុគ្គល យ៉ាន់ សានី នេះធ្វើជាសង្ឃទៀតហើយលោកនិងនាំពាក្យមកប្រាប់បងប្អូនប្រជាពុទ្ធបរិស័ទចំណុះជើងវត្តពោធិ៍ពិសីដើម្បីកុំឲ្យមានការភណ្ឌច្រឡំទៀតព្រោះបុគ្គល យ៉ាន់ សានី ពិតជាបានប្រព្រឹត្តិខុសវិន័យព្រះពុទ្ធសាសនាពិតប្រាកដមែន។
អន្ទិត យ៉ាន់ សានី បានបញ្ជាក់អ្នកសារព័ត៌មានថាការសឹកមុនថ្ងៃកំណត់នេះគឺដោយសាររូបគាត់មានជំងឺប្រចាំកាយជាទំងន់ត្រូវទៅព្យាបាលនៅរាជធានីភ្នំពេញ ទើបសុំការអនុញាតិពីព្រះគ្រូអនុគុណស្រុកស្វាយជ្រំដើម្បីលាចាកសិក្ខាបទមុនពេលកំណត់បែបនេះ ហើយរាល់កំហុសដែលខ្លួនបានប្រព្រឹត្តិអន្ទិត យ៉ាន់ សានី សូមទទួលទាំងអស់នូវគ្រប់កំហុសឆ្គង់ទាំងប៉ុន្មានចំពោះព្រះពុទ្ធសាសនា ។
នៅចុងបញ្ចប់អន្ទិត យ៉ាន់ សានី បានសូមអភ័យទោសចំពោះព្រះគ្រូមេគុណ ព្រះគ្រូអនុគុណ និងមន្ត្រីសង្ឃគ្រប់ឋានានុក្រមទាំងអស់ចំពោះកំហុសឆ្គងដែលខ្លួនបានប្រព្រឹត្តិខុលផ្លូវវិន័យព្រះពុទ្ធសាសនា លោកបានបន្តថានេះគឺជាកំហុសបុគ្គលដូច្នេះសូមអំពាវនាវដល់មហាជនប្រជាពុទ្ធបរិស័ទទាំងអស់នៅតែបន្តគាំងទ្រព្រះពុទ្ធសាសនាដែលជាសាសនារបស់រដ្ឋយើង៕
