ភ្នំពេញ ៖ មានករណីជនមិនស្គាល់មុខបានលួចដោះស្លាកលេខរថយន្ដមួយគ្រឿងទៅយកបាត់ដោយសុវត្ថិភាព មិនរំខានដល់សមត្ថកិច្ច ស្ថិតនៅក្នុងភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ដោយស្លាកលេខដែលលោកចោរលួចដោះទៅបាត់នោះមានលេខ ភ្នំពេញ 2AH- 9915 បំពាក់លើរថយន្តម៉ាក TOYOTA PRIUS ហេតុការណ៍នេះបានកេីតឡេីងនៅថ្ងៃទី២៧ ខែតុលា ឆ្នាំ២០២១ ។
ជនរងគ្រោះដែលជាម្ចាស់រថយន្តមាន ឈ្មោះ ពៅ ដាវុធ ស្នាក់នៅផ្ទះគ្មានលេខ ស្ថិតនៅក្នុងភូមិទួលពង្រ សង្កាត់ចោមចៅទី១ ខណ្ឌពោធិ៍ជ័យ រាជធានីភ្នំពេញ ។
បេីតាមការរៀបរាប់របស់លោក ពៅ ដាវុធ បានប្រាប់ក្រុមអ្នកសារព័ត៌មានយេីងឲ្យដឹងថា នៅមុនពេលកេីតហេតុ លោកបានយករថយន្តមកចតទុកដូចសព្វដងនៅកន្លែងកេីតហេតុ គឺខាងមុខផ្ទះរបស់គាត់ ហេីយចូលសំរាក លុះព្រឹកឡេីងថ្ងៃទី២៧ ខែតុលា ឆ្នាំ២០២១ ដេីរមកមេីលរថយន្ដក៏មិនឃេីញស្លាកលេខរថយន្ដព្រោះថាត្រូវបានលោកបងចោរលួចដោះស្លាកលេខយកទៅបាត់។
បច្ចុប្បន្នជនរងគ្រោះបានទៅដាក់ពាក្យបណ្ដឹងនៅប៉ុស្ដិ៍រដ្ឋបាលសង្កាត់ចោមចៅទី១រួចរាល់ហេីយដេីម្បីឲ្យសមត្ថកិច្ចស្រាវជ្រាវរកជនសង្ស័យមកផ្ដន្ទាទោសតាមផ្លូវច្បាប់។
ពលរដ្ឋលេីកឡេីងថាបេីមានភាពអសន្ដិសុខកេីនឡេីងបែបនេះពួកគាត់មានការព្រួយបារម្ភអំពីសុវត្ថិភាពទ្រព្យសម្បត្ដិរបស់ពួកគាត់ណាស់សព្វថ្ងៃ ។
ពលរដ្ឋរង់ចាំមេីលថាតេីអាជ្ញាធរពាក់ព័ន្ធ និងថ្នាក់លេីមានវិធានបែបណាបេីនៅក្នុងភូមិឃុំមិនមានសុវត្ថិភាពបែបនេះនោះ៕
