ខេត្តព្រៃវែង៖រន្ធត់ណាស់!មានករណី គ្រោះថ្នាក់ចរាចរណ៍រវាងរថយន្តម៉ាកកាមរីឆ្លាមពណ៌ស គ្មានស្លាកលេខបំពាក់សុីរ៉ែន បុកម៉ូតូរុឺម៉កក្និងទិសដៅបញ្រ្ចាស់គ្នា បណ្តាលឲ្យមនុស្ស២នាក់រងរបួសយ៉ាងធ្ងន់ធ្ងរ។
ហេតុការណ៍នេះបានកើតឡើងនៅវេលាម៉ោង៤និង៣៥នាទី ថ្ងៃទី១៥ខែវិច្ឆិកាឆ្នាំ២០២១ ចំណុចមុខផ្លូវចូលវត្តបន្លិចប្រាសាទលើផ្លូវជាតិលេខ១១ ស្ថិតនៅភូមិពាមកោះ ឃុំព្រែកខ្សាយ(ក) ស្រុកពាមរក៍ ខេត្តព្រៃវែង។
អ្នកបើករថយន្តម៉ាកកាមរីឆ្លាមពណ៌ស គ្មានស្លាកលេខ មិនស្គាល់អត្តសញ្ញាណគេចខ្លួនបាត់ បន្សល់ទុករថយន្តនៅកន្លែងកើតហេតុ។
រីឯម៉ូតូរុឺម៉កពណ៌ខ្មៅស្លាកលេខភ្នំពេញ1AR.5242បើកបរដោយឈ្មោះជួន សុីវុត្ថា ភេទប្រុសអាយុ៦១ឆ្នាំជនជាតិខ្មែរមានទីលំនៅភូមិព្រែកចាមឃុំបន្លិចប្រាសាទស្រុកពាមរក៍ខេត្តព្រៃវែងរបួសជើងស្តាំ(របួសធ្ងន់)។
អ្នករួមដំណើរឈ្មោះមាស សុីឌឿនអាយុ៥៩ឆ្នាំជនជាតិខ្មែរត្រូវជាប្រពន្ធ(របួសធ្ងន់)។
បច្ចុប្បន្ន រថយន្តនិងម៉ូតូយកមករក្សាទុកនៅអធិការដ្ឋាននគរបាលស្រុកពាមរក៍។
អ្វីដែលបងប្អូនប្រជាពលរដ្ឋនិងសារព័ត៌មានហួសចិត្តគឺលោកសេង ពន្លក អធិការស្រុកពាមរក៌ បានព្យាយាមបិតបាំងព័ត៌មាននេះគឺលោកមិនអោយយកព័ត៌មានគ្រោះថ្នាក់ចរាចរណ៍ទៅចុះផ្សាយនោះទេ គឺទុកស្រាវជ្រាវសិន ព្រោះជារថយន្តមានសុីរ៉ែន ជារបស់សមត្ថកិច្ចមេបញ្ជាការកងរាជអាវុធហត្ថស្រុកពាមរក៍។
ចំណែក លោក ឈួន រឹទ្ធី មេបញ្ជាការកងរាជអាវុធហត្ថស្រុកពាមរក៍ នៅរសៀលម៉ោង 3និង30 នាទីថ្ងៃទី១៥ខែវិច្ឆិកាឆ្នាំ២០២១នេះបានស្រាយបំភ្លឺថា៖
ករណីគ្រោះថ្នាក់ចរាចរណ៍រវាងរថយន្តនិងរ៉ឺម៉កបណ្តាលឲ្យពលរដ្ឋ ២ នាក់រងរបួសធ្ងន់នៅឃុំព្រែកខ្សាយ(ក) ស្រុកពាមរក៍ ខេត្តព្រៃវែង មិនមានការពាក់ព័ន្ធជាមួយនឹងលោកនោះឡើយកើតហេតុ កាលពីវេលាម៉ោង ៤ ទៀបភ្លឺថ្ងៃទី ១៥ ខែវិច្ឆិកាឆ្នាំ ២០២១។
លោកបានបញ្ជាក់ថា រថយន្តខាងលើលោកបានលក់ទៅឱ្យឈ្មោះ ថា បញ្ញា ភេទប្រុស អាយុ ៣០ ឆ្នាំ មុខរបរជាមន្ត្រីអាវុធហត្ថខេត្តព្រៃវែង ទីលំនៅនៅភូមិពាមកោះ ឃុំពាមរក៍ស្រុកពាមរក៍ ខេត្តព្រៃវែង កាលពីថ្ងៃទី ១២ ខែវិច្ឆិកាឆ្នាំ ២០២១ កន្លងមកហើយមានឯកសារទិញលក់ទៀតផង។
អាស្រ័យហេតុនេះ សូមបងប្អូនកុំមានការភាន់ច្រឡំ៕
