ខេត្ដសៀមរាប ៖ សេចក្ដីរាយការណ៍ពីខេត្តសៀមរាប បានឲ្យដឹងថា នៅវេលាម៉ោងប្រមាណ៨យប់ ថ្ងៃទី០១ ខែធ្នូ ឆ្នាំ២០២១នេះ មានអគ្គិភ័យមួយបានកើតឡើង នៅផ្សារទំនើបអាស៉ីផ្លាហ្សា នៅភូមិតាភុល សង្កាត់ស្វាយដង្គំ ក្រុងសៀមរាប។
នេះបើតាមមការបញ្ជាក់ពីសមត្ថកិច្ចនៅកន្លែងកើតហេតុ នាថ្ងៃទី២ខែធ្នូ ឆ្នាំ២០២១នេះ ឆេះក្លិបក្រោមដីនៃផ្សារទំនើបអាស៊ីផ្លាស្សាក្នុងក្រុងសៀមរាប បានរកឃើញស្លាប់កើនដល់ចំនួន៣នាក់ហើយ និងរបួសធ្ងន់ម្នាក់។
សមត្ថកិច្ចនៅតែបន្តរុករកអ្វីដែលបន្សល់ទុក(ជនរងគ្រោះ)។
អ្វីដែលលំបាកស្ថានភាពកន្លែងកើតហេតុពិបាកចូលព្រោះក្លឹបដែលឆេះនៅក្រោមដី ហើយផ្សែងនៅហុយៗនិង ហប់ខ្លាំង។
សមត្ថកិច្ចមិនទាន់ស្គាល់អត្តសញ្ញាណអ្នកស្លាប់នៅឡើយទេ ។ចំពោះមូលហេតុសមត្ថកិច្ចកំពុងស្រាវជ្រាវ៕
