ភ្នំពេញ ៖ នៅវេលាម៉ោង ១៥ៈ០០ នាទីរសៀល ថ្ងៃព្រហស្បតិ៍ ១៣រោច ខែកក្តឹក ឆ្នាំឆ្លូវ ត្រីស័ក ព.ស ២៥៦៥ ត្រូវនិងថ្ងៃទី ០២ ខែ ធ្នូ ឆ្នាំ ២០២១ នៅរដ្ឋបាលខណ្ឌមានជ័យ បានបើកកិច្ចប្រជុំក្រុមការងារស្រាវជ្រាវ និង ចងក្រងប្រវត្តិ និង ការវិវឌ្ឍន៍នៃការគ្រប់គ្រងដឹកនាំរដ្ឋបាលខណ្ឌ និងសង្កាត់ ក្រោមអធិបតីភាព លោក ឌី រ័ត្នខេមរុណ អភិបាលរង ខណ្ឌមានជ័យ ។
កិច្ចប្រជុំនេះមានការចូលរួម ៖
១.លោក លោកស្រី នាយក-នាយករងរដ្ឋបាលខណ្ឌមានជ័យ។
២.លោក លឹម បែន សមាជិកក្រុមប្រឹក្សាខណ្ឌមានជ័យ។
៣.លោក ឃ្លោក ប៉េងឆាង សមាជិកក្រុមប្រឹក្សាខណ្ឌមានជ័យ។
៤.លោក ហេង គុច សមាជិកក្រុមប្រឹក្សា ខណ្ឌមានជ័យ។
៥.លោក លោកស្រី ប្រធានការិយាល័យចំណុះទាំង១១។
៦. លោកស្រី ប៉ុក គិមឡាង អនុប្រធានការិយាល័យ រដ្ឋបាល និងបុគ្គលិក ។
៧. លោក ផន មករា អនុប្រធានការិយាល័យ សង្គមកិច្ច និងសុខមាលភាពសង្គម ។
៨. លោកស្រី សួស ម៉ាជឿន អនុប្រធានការិយាល័យ សង្គមកិច្ច និងសុខមាលភាពសង្គម ។
៩. លោក បែន ថានិត អនុប្រធានការិយាល័យ សេដ្ឋកិច្ច និងអភិវឌ្ឍសហគមន៍ ។
១០. លោក លោកស្រី ចៅសង្កាត់ទាំង៧
១១. លោក លោកស្រី ស្មៀនសង្កាត់ទាំង៧ ។
១២. លោក ធឿន ស៊ាំង អ្នកធ្វើកំណត់ហេតុ ។
ក្នុងកិច្ចប្រជុំនេះដែរ លោក ឌី រ័ត្នខេមរុណ អភិបាលរង ខណ្ឌមានជ័យ បានមានប្រសាសន៍ដែរថា រដ្ឋបាលខណ្ឌមានជ័យ បានរៀបចំបង្កើតក្រុមការងារដើម្បីសិក្សាស្រាវជ្រាវ និងចងក្រងប្រវត្តិ និង ការវិវឌ្ឍន៍នៃការគ្រប់គ្រងដឹកនាំរបស់រដ្ឋបាលខណ្ឌមានជ័យ និង រដ្ឋបាលសង្កាត់ ហើយផងដែរ ហើយក្រុមការងារត្រូវមានតួនាទី និង ភារកិច្ចដូចខាងក្រោម ៖
– ត្រូវសិក្សាស្រាវជ្រាវអំពីប្រវត្តិនៃការកកើត និង ការវិវឌ្ឍន៍នៃការគ្រប់គ្រងដឹកនាំរបស់រដ្ដបាលខណ្ឌ និង សង្កាត់ដែលមានការពាក់ព័ន្ធទៅនឹងប្រវត្តិសាស្រ្ត(វប្បធម៌ ទំនៀមទម្លាប់ ប្រពៃណី) ភូមិសាស្ត្រ ប្រជាសាស្ត្រ សេដ្ឋកិច្ច និងកត្តាពិសេសសំខាន់ៗផ្សេងទុៀត ។
– ធ្វើការពិគ្រោះយោបល់ជាមួយអ្នកប្រវត្តិសាស្ត្រ គ្រូបង្រៀន ព្រះសង្ឃ ចាស់ព្រឹឹទ្ធាចារ្យ នៅក្នុងមូលដ្ឋាន និងឯកសារពាក់ព័ន្ធ ។
– ដាក់ជូនក្រុមប្រឹក្សាខណ្ឌដើម្បីពិនិត្យ និងផ្តល់យោបល់ទៅលើការងារដែលបានសិក្សាស្រាវជ្រាវ និង ចងក្រង ។
