ខេត្ដស្វាយរៀង៖ គ្រោះថ្នាក់ចរាចរណ៍មួយបានកើតឡើងរវាងរថយន្ដដឹកស្រូវបុកជាមួយរថយន្ដដឹកកម្មករបណ្ដាលឲ្យកម្មករប្រុស.ស្រី រងរបួសធ្ងន់ស្រាលជាច្រើននាក់និងរថយន្ដខូចខាតយ៉ាងដំណំ។ដោយរថយន្ដដឹកស្រូវមានស្លាកលេខកំពង់ចាម3A.5331និងកន្ទុយមានស្លាកលេខកំពង់ចាម4A.1178ចំណែកឯរថយន្ដដឹកកម្មករវិញពាក់ស្លាកលេខភ្នំពេញ3B.8290។
ហេតុការណ៍នេះបានកើតឡើងនៅព្រឹកថ្ងៃទី០៥ខែធ្នូ ឆ្នាំ២០២១វេលាម៉ោង០៥និង៥០នាទីព្រឹកស្ថិតនៅតាមបណ្ដោយផ្លូវជាតិលេខ១៣ក្នុងភូមិត្រពាំងក្រែត ឃុំជ្រុងពពេល ស្រុករំដួល ខេត្ដស្វាយរៀង។
យោងតាមប្រភពពីកន្លែងកើតហេតុបានឲ្យដឹងថា រថយន្ដដឹកស្រូវមានស្លាកលេខកំពង់ចាម3A.5331និងកន្ទុយមានស្លាកលេខកំពង់ចាម4A.1178បានធ្វើដំណើរពីជើងមកត្បូងបើកយ៉ាងលឿនលុះមកដល់កន្លែងកើតហេតុស្រាប់តែរថយន្ដដឹកកម្មករពាក់ស្លាកលេខលេខភ្នំពេញ3B.8290ធ្វើដំណើរពីត្បូងមកជើងរួចបានបត់ឆ្វេងទៅយកកម្មករបន្ថែមទៀតទៅធ្វើការនៅឯក្រុងបាវិតក៍ត្រូវរថយន្ដដឹកស្រូវបុកពេញទំហឹងតែម្ដងបណ្ដាឲ្យរងរបួសធ្ងន់ស្រាលជាច្រើននាក់និងរថយន្ដខូចខាតយ៉ាងដំណំ។
បច្ចុប្បន្នកម្មកររងរបួសធ្ងន់ស្រាលត្រូវបានសាច់ញាតិបងប្អូនយកទៅសម្រាកនៅឯមន្ទីពេទ្យផ្សេងៗគ្នាចំណែកឯរថយន្ដទាំងពីរត្រូវបានកម្លាំងសមត្ថកិច្ចយកទៅរក្សាទុកនៅអធិការដ្ឋាននគរបាលស្រុករំដួលរង់ចាំការដោះស្រាយគ្នាពេលក្រោយ៕
