ខេត្តបន្ទាយមានជ័យ៖លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យនៅព្រឹកថ្ងៃចន្ទ ០៩កើត ខែកត្ដិក ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៣ ខែធ្នូ ឆ្នាំ ២០២១ បានដឹកនាំកម្លាំងនគរបាលធ្វើពលកម្ម សម្អាតអនាម័យបរិស្ថាន និងដាំផ្កា លម្អជុំវិញស្នងការដ្ឋាន។
ការធ្វើពលកម្មនេះ ធ្វើឡើងក្នុងគោលបំណង លើកកម្ពស់សុខមាលភាពកងកម្លាំងនគរបាល ដែលកំពុងបំពេញការងារប្រចាំថ្ងៃ។ ក្រៅពីនេះក៏ជាការលើកសោភ័ណភាព អនាម័យ បរិស្ថាន កន្លែងធ្វើការ និងសេចក្តីថ្លៃថ្នូររបស់នគរបាលជាតិ។
លោកឧត្តមសេនីយ៍ទោ សិទ្ធិ ឡោះ ក៏បានរំលឹកដល់កងកម្លាំងទាំងអស់ត្រូវរៀនរស់នៅ ធ្វើការជាមួយកូវីត និងត្រូវថែសុខភាពឲ្យបានល្អ ហើយត្រូវបន្តអនុវត្តន៍គោលការណ៍សុខាភិបាលគឺ៣កុំ ៣ការពារដើម្បីគេចផុតពីជម្ងឺឆ្លងផ្សេង ៕
ដោយ៖លោកចាន់ពុធ
