បន្ទាយមានជ័យ ៖ លោកវរសេនីយ៍ឯក
ហាំ វណ្ណ: មេបញ្ជាការវរ: ៨៩១ បានដឹកនាំលោកមេបញ្ជាការរងនិងកម្លាំងអន្តរាគមន៍ ចំនួន១៥នាក់ ចូលរួមអមដំណើរប្រតិភូបណ្ឌិតសភានគរបាលកម្ពុជា ចំនួន១០នាក់ ដឹកនាំដោយឯកឧត្តម ឧត្តមសេនីយ៍ឯកសាស្ត្រាចារ្យ ឃឹម សុវណ្ណាវុធ អនុប្រធានបណ្ឌិតសភានគរបាលកម្ពុជា ទស្សនកិច្ចសិក្សាព្រំដែនអន្តរជាតិប៉ោយប៉ែត និង នៅស្ពានច្រកទ្វារព្រំដែនអន្តរជាតិស្ទឹ
ងបត់ ស្ថិតក្នុងសង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ នៅព្រឹកថ្ងៃទី១៥ ខែមិនា ឆ្នាំ២០២២ វេលាម៉ោង៨និង៣០នាទី។
ក្នុងដំណើរទស្សនកិច្ចសិក្សានោះក៏មានការអញ្ជើញចូលរួមពីលោកឧត្តមសេនីយ៍ទោ ព្រុំ រឿន មេបញ្ជាការរងនគរបាលប្រចាំទិសភូមិភាគទី៥ និងលោកឧត្តមសេនីយ៍ត្រី អ៊ុំ សុផល ស្នងការរងទទួលផែនការងារព្រំដែន និង លោកវរសេនីយ៍ ឯក ឈុន លាង ស្នងការរងផងដែរ។
ការអញ្ជើញទស្សនកិច្ចសិក្សារបស់ឯកឧត្តម ឧត្តមសេនីយ៍ឯកសាស្ត្រាចារ្យ ឃឹម សុវណ្ណាវុធ អនុប្រធានបណ្ឌិតសភានគរបាលកម្ពុជានិងប្រតិភូបណ្ឌិតសភានគរបាលកម្ពុជា គឺដើម្បីពិនិត្យលើស្ថានភាពតាមច្រកព្រំដែនអន្តរជាតិប៉ោយប៉ែត និងនៅស្ពានច្រកទ្វារព្រំដែនអន្តរជាតិស្ទឹងបត់៕
