ភ្នំពេញ៖ បន្ទាប់ពីទីតាំងហ្គេមបាញ់ត្រីដ៏ធំនៅលេីផ្សារទំនើបស៊ីធីម៉លត្រូវបានបង្ក្រាបក្រោយពី មានបញ្ជាផ្ទាល់ពីឯកឧត្ដមអភិបាលរាជធានីភ្នំពេញ គេសង្កេតឃើញថានៅរឿងដ៏ធំមួយទៀតដែរត្រូវធ្វេីនៅះ គឺរឿងឆ្នោតវៀតណាម របស់ ចែលី ខណៈដែរមន្ដ្រីក្រោមឱវាទរបស់លោក គឺលោក លីម សុភា អភិបាលខណ្ឌ៧មករា និងលោក ណេត ស៊ីថុន អធិការខណ្ឌ៧មករា ចាត់ទុកបទបញ្ជារបស់ឯកឧត្ដមត្រឹមខ្យល់បក់ប៉ះស្លឹកត្រចៀកតែប៉ុណ្ណោះ។
នៅក្នុងមូលដ្ឋានខណ្ឌ៧មករា ប្រជាពលរដ្ឋបានឲ្យដឹងថា ទីតាំងកត់ឆ្នោវៀតណាមរបស់ ចែលី ជាច្រេីនទីតាំងក្នុងនោះរួមមានទី១ស្ថិតនៅផ្លូវលេង១៦៤ ក្នុងសង្កាត់អូរឫស្សីទី៣ ទីតាំងទី២ ស្ថិតនៅផ្លូវឌឿងហែមក្រោយភោជនីដ្ឋានថ្មដា ប្រមាណជាង១០០ម៉ែត្រ ក្នុងសង្កាត់មនោរម្យ ទីតាំងទី៣ស្ថិតនៅផ្លូវលេខ១៦៦ ក្នុងសង្កាត់អូរឫស្សីទី២ ទីតាំងទី៤ស្ថិតនៅច្រកឌឿងហែមខាងក្រោយហាងគុយទាវអូរឬស្សី ស្ថិតនៅក្នុងសង្កាត់អូរឬស្សីទី៤និងមានទីតាំងជាច្រើនទៀតនៅក្នុងមូលដ្ឋានខណ្ឌ៧មករា។
ក្នុងនោះដែរក៏មាន ឆ្នោតវៀតណាមខុសច្បាប់ មានស្លាកសម្គាល់ LH34 មានចំនួន៣ទីតាំងដែរ ដោយទីតាំងទី១- ស្ថិតនៅជាប់ខាងក្រោយសាលាបើកបររថយន្តអាស៊ាន នៅតាមបណ្ដោយផ្លូវ១៦១ ក្នុងសង្កាត់អូរឫស្សីទី២ ខណ្ឌ៧មករា ។
ទីតាំងទី២- ស្ថិតនៅតាមបណ្ដោយផ្លូវ១៦៤ សង្កាត់អូរឫស្សីទី៣ ខណ្ឌ៧មករា និងទីតាំងទី៣-ស្ថិតនៅផ្ទះលេខ១៤៦Eoz តាមបណ្ដោយផ្លូវឌឿងហែមមួយខែ្ស ដែលគេហៅផ្លូវលេខ១២៨ ស្ថិតនៅក្នុងសង្កាត់មនោរម្យ ខណ្ឌ៧មករា ។
ប្រជាពលរដ្ឋរង់ចាំមើលថាតើ លោក លីម សុភា អភិបាលខណ្ឌ៧មករា និងលោក នេត ស៊ីថុន អធិការខណ្ឌ ៧មករាហើយពេលនេះ តើហ៊ានបង្ក្រាបទីតាំងឆ្នោតវៀតណាមរបស់ចែលី និងឆ្នោតវៀតណាមយីហោ LH 34 ទេ ? បើគេឃើញនៅតែបន្តដេីររាល់ថ្ងៃបែបនេះ៕
