ខេត្តបន្ទាយមានជ័យ៖ចេញផ្សាយនៅព្រឹកថ្ងៃអង្គារ ទី១៩ ខែមេសា ឆ្នាំ២០២២នេះដោយមានការយកចិត្តទុកដាក់ ពីលោកឧត្តមសេនីយ៍ទោ សិទ្ឋិ ឡោះ ស្នងការ នគរបាលខេត្តបន្ទាយមានជ័យ នឹងក្រោមការដឹកនាំបញ្ជាផ្ទាល់ពីលោក វរសេនីយ៍ឯក ឡុង សំណាង មេបញ្ជាការវរសេនាតូចនគរបាលការពារព្រំដែនគោកលេខ៨០៧ ។
សូមបញ្ជាក់ថា៖កាលពីយប់ថ្ងៃច័ន្ទ ទី១៨.ខែមេសា.ឆ្នាំ២០២២នៅវេលាម៉ោង២០នឹង១០នាទី កម្លាំងប៉ុស្តិ៍អូរសាយចំនួន ០៤នាក់ ដឹកនាំដោយលោក អនុសេនីយ៍ត្រី អ៉ិន ឆៃយ៉ា នាយរងប៉ុស្តិ៍ សហការជាមួយ កម្លាំងយោធាសឹករងស្រុកថ្មពួកចំនួន ០៣នាក់ បានទប់ស្កាត់ប្រជាពលរដ្ឋចំនួន ០២នាក់ (ស្រី០១នាក់) បម្រុងលួចឆ្លងដែនខុសច្បាប់ទៅប្រទេសថៃ នៅត្រង់ចំណុចគោលដៅស្តុកស្តោរ ស្ថិតនៅភូមិសាស្រ្ត ភូមិសាមគ្គី ឃុំគោករមៀត ស្រុកថ្មពួក ខេត្តបន្ទាយមានជ័យ។
បន្ទាប់មក កម្លាំងប៉ុស្តិ៍អូរសាយ បានធ្វើកិច្ចសន្យា និងអប់រំ ណែនាំ រួចបានរៀបចំប្រគល់ពួកគាត់ ទៅអោយប៉ុស្តិ៍នគរបាលរដ្ឋបាលឃុំគោករមៀត របស់អធិការដ្ឋាននគរបាលស្រុកថ្មពួក ដើម្បីចាត់វិធានការបន្តតាមនីតិវិធីច្បាប់។
