ខេត្ដក្រចេះ ៖សកម្មភាពដឹកជញ្ជូនធ្យូងទៅលក់ឲ្យវៀតណាម តាមច្រករបៀង នៅស្រុកស្នួល ខេត្ដក្រចេះ ទាំងយប់ទាំងថ្ងៃតាម ដោយមិនខ្លាចញញើតអ្វីទាំងអស់ ម្យ៉ាងវិញទៀតមិនទាក់ក្រសែភ្នែកសមត្ថកិច្ចជំនាញពាក់ព័ន្ធប្រចាំការតាមគោលដៅនោះឡើយ។
ប្រភពបានឲ្យដឹងថាពីមួយថ្ងៃទៅមួយថ្ងៃគេសង្កេតឃើញមានរយថយន្ដដឹកធ្យូងប្រភេទសាំយ៉ុងកែរច្នៃនិងប្រភេទរថយន្តកែច្នៃផ្សេងទៀតបាននាំគ្នាសំរុកដឹកជញ្ជូនធ្យូងចូលទៅទឹកដីប្រទេសវៀតណាមតាមច្រករបៀង ច្រកព្រំដែនដេរបី នៅស្រុកស្នួល ខេត្ដក្រចេះ ដោយមិនឃើញសមត្ថកិច្ចពាក់ព័ន្ធណាបង្ក្រាបនៅឡើយ។ ម្យ៉ាងវិញទៀតការដឹកជញ្ជូនធ្យូងតាមច្រករបៀងតាមព្រំដែនដេបីបានយ៉ាងរលូនបែបនេះគឺនៅពេលដឹកជញ្ជូនធ្យូងចេញម្ដងៗតាមរថយន្តតែងតែមានអ្នករត់ការសែនព្រេនជូនសមត្ថកិច្ចជំនាញពាក់ព័ន្ធអស់ហើយរួមជាមួយច្រកព្រំដែនផងដែរទើបអាជ្ញាធរនិងសមត្ថកិច្ចពាក់ព័ន្ធមិនហ៊ានបង្ក្រាប។
មន្ដ្រីប្រចាំការបានលួចខ្សឹបប្រាប់អ្នកសាព័ត៌មានយើងថា រថយន្ដដឹកធ្យូងទាំងអស់នេះមិនមានលក្ខណៈគ្រប់គ្រាន់តាមបច្ចេកទេសច្បាប់ចរាចរណ៍នោះឡើយខុសពីរថយន្តដឹកទំនិញផ្សេងៗទៀតឯមន្ត្រីជំនាញពាក់ព័ន្ធទាំងអស់វិញមិនហ៊ានត្រួតពិនិត្យឡើយព្រោះថាមានអ្នករត់ការផ្លូវគ្រប់ច្រកល្ហកអស់ហើយ។
ជុំវិញករណីខាងលើនេះអង្គភាពសារព័ត៌មានយើងមិនអាចសុំការបំភ្លឺពីភាគីពាក់ព័ន្ធណាមួយបានឡើយទេ។
អង្គភាពសារព័ត៌មានយើងនឹងរង់ចាំការបកស្រាយបំភ្លឺឬពន្យល់ពីសមុីភាគីឬអាជ្ញាធរពាក់ព័ន្ធរៀងរាល់ម៉ោងធ្វើការ៕
