(សុខភាព)៖ ជាមួយនឹងការកើនឡើងនៃអាយុ មុខងារនៃសរីរាង្គផ្សេងៗក្នុងរាងកាយរបស់មនុស្សកាន់តែយ៉ាប់យ៉ឺន រួមទាំងខួរក្បាលផងដែរ ប្រសិនបើមិនបានចាត់វិធានការបង្ការទេ លទ្ធភាពនៃជំងឺភ្លេចភ្លាំងនឹងកើនឡើង។ ដូច្នេះមនុស្សក្រោយអាយុ៤០ឆ្នាំគួរទទួលទាន អាហារ ទាំង៧មុខ ក្នុងជីវិតប្រចាំថ្ងៃ ។
១. សណ្តែកដី
សណ្ដែកដី ជាអាហារទូទៅមួយក្នុងជីវភាពប្រចាំថ្ងៃ មានរសជាតិឆ្ងាញ់ ប៉ុន្តែមានតម្លៃខ្ពស់ក្នុងការទទួលទាន។
វាសម្បូរទៅដោយ lecithin និង cephalin ដែលជាសារធាតុចិញ្ចឹមសំខាន់ៗសម្រាប់ប្រព័ន្ធសរសៃប្រសាទ ដែលអាចពន្យឺតភាពចាស់នៃកោសិកាខួរក្បាល និងរារាំងការប្រមូលផ្តុំប្លាកែត។ វាជួយលើកកម្ពស់ចរាចរឈាម បង្កើនសមត្ថភាពគិត និងការពារជំងឺវង្វេងទាក់ទងនឹងអាយុ។
២. គ្រាប់ Walnut
សំដៅលើអាហារខួរក្បាល មនុស្សគ្រប់រូបត្រូវតែគិតដល់គ្រាប់ Walnut ជាការពិតអាហារនេះមានអាស៊ីតខ្លាញ់មិនឆ្អែត ដែលអាចកាត់បន្ថយកម្រិតកូឡេស្តេរ៉ុល។
ជាមួយគ្នានេះដែរ ផ្លែ Walnut ក៏សម្បូរទៅដោយវីតាមីន E និងវីតាមីន B ដែលមានឥទ្ធិពលប្រឆាំងអុកស៊ីតកម្ម អាចកំចាត់រ៉ាឌីកាល់សេរី បន្ថយដំណើរការនៃភាពចាស់នៃកោសិកាខួរក្បាល។
ទោះជាយ៉ាងណាក៏ដោយ កុំបរិភោគ Walnut ច្រើនពេក ក្នុងកាលៈទេសៈធម្មតា គ្រាប់ Walnut មួយថ្ងៃ ៣ ទៅ ៤គ្រាប់គឺគ្រប់គ្រាន់ហើយ។
៣. ត្រី
ត្រីមានកាឡូរីទាប និងតម្លៃអាហារូបត្ថម្ភខ្ពស់ ជាពិសេស DHA ដែលមាននៅក្នុងត្រី មានឥទ្ធិពលធ្វើឱ្យប្រសើរឡើងនូវសមត្ថភាពគិត និងការចងចាំរបស់ខួរក្បាល ការពារការចុះខ្សោយនៃកោសិកាខួរក្បាលយ៉ាងមានប្រសិទ្ធភាព។
៤. ស៊ុត
ស៊ុតអាចនិយាយបានថាជាគ្រឿងផ្សំដែលគេស្គាល់គ្រប់គ្រួសារ ព្រោះស៊ុតសម្បូរទៅដោយប្រូតេអ៊ីនគុណភាពខ្ពស់។ លើសពីនេះ ស៊ុតលឿងក៏មានផ្ទុកនូវសារធាតុ lecithin និងកូឡេស្តេរ៉ុលតិចតួចផងដែរ ដោយហេតុនេះជួយជំរុញដល់ការវិវត្តនៃប្រព័ន្ធសរសៃប្រសាទ និងការពារកោសិកាខួរក្បាល។
៥.គ្រាប់ផ្កាឈូករ័ត្ន
បន្ទាប់ពីអាយុ៤០ឆ្នាំ អ្នកក៏អាចញ៉ាំគ្រាប់ផ្កាឈូករ័ត្នមួយក្តាប់តូចក្នុងមួយថ្ងៃបានដែរ ព្រោះអាហារនេះមានជាតិដែក ប៉ូតាស្យូម ស័ង្កសី ម៉ាញេស្យូម និងសារធាតុរ៉ែផ្សេងៗទៀត។ ជាពិសេស គ្រាប់នេះសម្បូរទៅដោយវីតាមីន E ដែលជួយចិញ្ចឹម និងលើកកម្ពស់សុខភាពខួរក្បាល។
៦. ល្ពៅ
ល្ពៅ សម្បូរទៅដោយតម្លៃអាហារូបត្ថម្ភផងដែរ វាមានផ្ទុកជាតិស័ង្កសី និងការ៉ូទីនច្រើន។ សារធាតុទាំង២នេះអាចជំរុញដល់ការអភិវឌ្ឍខួរក្បាល ជួយរក្សាសមត្ថភាពនៃការគិតស្រួចរបស់ខួរក្បាល និងចៀសវាងភាពចាស់នៃកោសិកាខួរក្បាល ។
៧. សូកូឡាខ្មៅ
សូកូឡាខ្មៅមានផ្ទុកសារធាតុប្រឆាំងអុកស៊ីតកម្ម និងសារជាតិ flavonoids មិនត្រឹមតែមនុស្សក្រោយអាយុ៤០ឆ្នាំប៉ុណ្ណោះទេ ប៉ុន្តែអ្នកក៏អាចញ៉ាំក្នុងបរិមាណល្មមដែលអាចជំរុញចរាចរឈាម និងជួយពង្រឹងមុខងារខួរក្បាល៕
