ខេត្តស្វាយរៀង៖ ទីតាំងល្បែងអនឡាញ ចំនួន ៧កន្លែង ក្នុងក្រុងស្វាយរៀង ត្រូវបានសមត្ថកិច្ចចុះបង្ក្រាប បិងបិទទីតាំងទាំងនោះ
នៅថ្ងៃទី១០ ខែសីហា ឆ្នាំ២០២២ បន្ទាប់ពីទទួលបានព័ត៌មានពីប្រជាពលរដ្ឋ។
លោកវរសេនីយ៍ទោ កែន រិទ្ធី អធិការនគរបាលក្រុងស្វាយរៀង បានឲ្យដឹងថា ទីតាំង ៧កន្លែងដែលសមត្ថកិច្ចចុះបិទមាន៖
១.ឈ្មោះ គង រ័ត្ន ភេទស្រី អាយុ ៣៤ឆ្នាំ នៅភូមិរោងបន្លែ សង្កាត់ស្វាយរៀង
២.ឈ្មោះ សំ សាគុណ ភេទប្រុស អាយុ ៥៧ឆ្នាំ នៅភូមិរោងបន្លែ សង្កាត់ស្វាយរៀង
៣.ឈ្មោះ ញៀន ខេន ភេទប្រុស អាយុ ៥៧ឆ្នាំ នៅភូមិរោងបន្លែ សង្កាត់ស្វាយរៀង
៤.ឈ្មោះ ហាស់ វីរ៉ា ភេទប្រុស អាយុ ៣៧ឆ្នាំ នៅភូមិចុងព្រែក សង្កាត់ស្វាយរៀង
៥.ឈ្មោះ វ៉ាន់ គង់ ភេទប្រុស អាយុ ៣៦ឆ្នាំ នៅភូមិចុងព្រែក សង្កាត់ស្វាយរៀង
៦.ឈ្មោះ គាំ សុខា ភេទស្រី អាយុ ៣៤ឆ្នាំ នៅភូមិវាលយន្ត សង្កាត់ស្វាយរៀង
៧.ឈ្មោះ ឈូ រតនា ភេទស្រី អាយុ ៤២ឆ្នាំ នៅភូមិចុងព្រែក សង្កាត់ស្វាយរៀង ។
ក្នុងការបង្គ្រាបនេះ សមត្ថកិច្ចបានធ្វើការអប់រំ និងធ្វើកិច្ចសន្យា ឱ្យម្ចាស់ទីតាំងខាងលើ ត្រូវបញ្ឈប់ការផ្តល់ទីតាំង ដើម្បីលេងល្បែងជល់មាន់តាមទូរទស្សន៍ អនឡាញ និងល្បែងស៊ីសងខុសច្បាប់គ្រប់ប្រភេទ ចាប់ពីថ្ងៃធ្វើកិច្ចសន្យានេះតទៅ បើមិនគោរពតាមកិច្ចសន្យាសមត្ថកិច្ចនឹងចាត់ការតាមនីតិវិធីច្បាប់។
សូមជម្រាបថា ការចុះទីតាំងល្បែងអនឡាញនេះ គឺបន្ទាប់ពីមានសារព័ត៌មានបានចេញផ្សាយថា ល្បែងអនឡាញ កំពុងរីកដូចផ្សិតនៅក្រុងស្វាយរៀង បែរជាសមត្ថកិច្ចមិនបង្ក្រាប ក្នុងខ្លឹមសារនៃអត្ថបទនោះ គឺបានរិៈគន់ ទៅលើសមត្ថកិច្ចមូលដ្ឋានថា ហាក់គ្មានឆន្ទៈ ក្នុងការបង្ក្រាបឬទប់ស្កាត់ល្បែង អនឡាញ នៅក្នុងមូលដ្ឋានដែលខ្លួនគ្រប់គ្រង។ ទោះជាយ៉ាណាក្ដី.ក្រោយចេញផ្សាយភ្លាម សមត្ថកិច្ចនគរបាលក្រុងស្វាយរៀង ក្រោមការដឹកនាំរបស់លោកវរសេនីយ៍ទោ កែន រិទ្ធី បានចុះទៅពិនិត្យស្រាវជ្រាវ និងធ្វើកិច្ចសន្យាឱ្យម្ចាស់ទីតាំង បញ្ឈប់សកម្មភាពបើកល្បែង”អនឡាញ”រួមនិងល្បែងស៊ីសងផ្សេងៗ ជាបន្ទាន់ផងដែរ៕
