ខេត្ដស្វាយរៀង៖ នៅរសៀលថ្ងៃចន្ទ ៣រោច ខែស្រាពណ៍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី ១៥ ខែសីហា ឆ្នាំ២០២២
លោក ណុប ចំរើន អភិបាល នៃគណៈអភិបាលក្រុងស្វាយរៀង បានអញ្ជើញពិនិត្យការសាងសង់បង្គន់អនាម័យជូនប្រជាពលរដ្ឋដែលមានជីវភាពខ្វះខាត ចាស់ជរា នៅសង្កាត់ចេក ចំនួន ៨គ្រួសារ និងសង្កាត់សង្ឃ័រ ចំនួន ៦គ្រួសារ ស្មើនឹង ១៤បង្គន់ ដែលជាការឧបត្ថម្ភពីមន្ទីរអភិវឌ្ឍន៍ជនបទខេត្ត ដើម្បីបញ្ឈប់ការបន្ទោរបង់ពាសវាលពាសកាលដែលនាំមកនូវផលចំណេញផ្នែកសេដ្ឋកិច្ច គ្មានជំងឺអាសន្នរោគផ្សេងៗ និងលើកកម្ពស់សោភណ្ឌភាពទីក្រុង ដែលបច្ចុប្បន្នក្រុងស្វាយរៀង បានទទួលODF ជាក្រុងបានបញ្ឈប់ការបន្ទោរពាសវាលពាលកាលទាំងស្រុង និងកំពុងឈានទៅរកODF Plus (មានបង្គន់អនាម័យប្រើប្រាស់គ្រប់គ្រួសារ)។
សូមរម្លឹកថាខេត្ដស្វាយរៀងជាខេត្តមួយ បានបំពេញគ្រប់លក្ខខណ្ឌ ដោយជោគជ័យ ទទួលបានជ័យលាភី «ខេត្តសម្រេចបានបញ្ឈប់បន្ទោបង់ពាសវាលពាសកាល ជាស្ថាពរ (Open Defecation Free 100%)» និងជាខេត្តទីមួយ ក្នុងប្រវត្តិសាស្រ្ត នៃប្រទេសកម្ពុជា៕
