ខេត្ដបន្ទាយមានជ័យ៖ មន្ទីររៀបចំដែនដីខេត្តបន្ទាយមានជ័យបន្តបង្កើនកិច្ចសហការជាមួយមន្ទីរពាក់ព័ន្ធក្នុងការទប់ស្កាត់រាល់សំណង់ខុសច្បាប់ អនាធិបតេយ្យ នាំឱ្យប៉ះពាល់ សោភ័ណភាពសាធារណៈ ។
លោក អាង ណារិទ្ធ ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តបន្ទាយមាន ជ័យបានឱ្យដឹងថា ក្រោយពីស្ថានភាពកូវីដ១៩មានការធូរ ស្រាលរដ្ឋបាលខេត្តបន្ទាយ មានជ័យបានបើកច្រកអន្តរជាតិព្រំដែនប៉ោយប៉ែតឡើងវិញឃើញថា វិស័យសំណង់នៅខេត្តបន្ទាយមាន ជ័យមានសន្ទុះកើនឡើងជាសន្សឹមៗ ដូច្នេះហើយមន្ទីរក៏មានផែនការយុទ្ធសាស្ត្រផ្សេងៗក្នុងការទប់ស្កាត់រាល់សំណង់មិនរៀបរយនិងគ្មានស្តង់ដារត្រឹមត្រូវ។
លោកបន្តថា បច្ចុប្បន្នមន្ទីរកំពុងសហការល្អជាមួយអាជ្ញាធរពាក់ព័ន្ធដើម្បីរួមគ្នាបន្តជំរុញការអភិវឌ្ឍន៍វិស័យដីធ្លីនិងសំណង់នៅទូទាំងខេត្តបន្ទាយមានជ័យឱ្យមានមូលដ្ឋានរឹងមាំនិងស្របតាមបទដ្ឋានរបស់ក្រសួងរៀបចំដែនដីនគរូបនីយកម្មនិងសំណង់ ដោយរាល់សង់សំណង់របស់ប្រជាពលរដ្ឋពិសេសក្រុមហ៊ុនវិនិយោគលើវិស័យអចលនត្រូវមានមន្រ្តីជំនាញត្រួតពិនិត្យទាំងច្បាប់សាងសង់និងគុណភាពសំណង់ ដើម្បីប្រាកដថាសំណង់ទាំងនោះសាងសង់ស្របច្បាប់និងមិនប៉ះពាល់សុវត្ថិភាពសាធារណៈ។
«មន្ទីរក៏ខិតខំដើម្បីជំរុញការអភិវឌ្ឍវិស័យដីធ្លីនិងសំណង់រៀបចំដែនដីនគរូបនីកម្មនិងសំណង់លំនៅឋានឱ្យកាន់តែមានមូលដ្ឋានដឹកនាំនិងប្រែក្លាយទៅជាប្រភពធន ធានពិតប្រាកដសម្រាប់ការអភិវឌ្ឍនិងត្រូវបម្រើឱ្យមាន ប្រសិទ្ធភាពនិងមានតម្លាភាពពិសេសបង្កើនកិច្ចសហការជាមួយអាជ្ញាធរមូលដ្ឋាននិងជំនាញពាក់ព័ន្ធនៅក្នុងខេត្តដើម្បីទប់ស្កាត់រាល់សំណង់ដែលសង់រំលោភទៅលើដីសាធារណៈរបស់រដ្ឋតាមចិញ្ចើមផ្លូវនិងផ្លូវរថភ្លើងផងដែរ»។
លោកបន្ថែមថា ដើម្បីពង្រឹងការអនុវត្តច្បាប់និងរក្សាបាននូវសណ្តាប់ធ្នាប់និង សុវត្ថិ ភាពសាធារណៈមន្ទីរមានវិធានការដូចជា ផ្សព្វផ្សាយឱ្យបានទូលំទូលាយដល់ប្រជា ពលរដ្ឋនិងធុរជនឱ្យបានជ្រួតជ្រាបនិងចូលរួមអនុវត្តន៍វិធានការកែតម្រូវសំណង់ខុស ច្បាប់ទាំងនោះ ។
សូមបញ្ជាក់ថា រយៈពេល ៧ខែឆ្នាំ ២០២២ មន្ទីរបានផ្ដល់នូវលិខិតអនុញ្ញាតសាង សង់ជូនដល់ប្រជាពលរដ្ឋក៏ដូចជាអ្នកវិនិយោគិនមានចំនួន១៤៧ការដ្ឋានផ្ដល់លិខិតបើកការដ្ឋានចំនួន២៦ ការដ្ឋាន៕
