ខេត្ដកំពង់ចាម៖ សេចក្តីបំភ្លឺរបស់អាជ្ញាធរមានសមត្ថិកិច្ចឃុំស្រង៉ែ ស្រុកព្រៃឈរ ជូនបងប្អូនអ្នកសារព័ត៌មានថា៖ ក្រោយមានបណ្តាញសារព័ត៌មាន សង្គមហ្វេសប៊ុកមួយចំនួនចុះផ្សាយថាកន្លែងសង្វៀនជល់មាន់និងអាប៉ោងបើកឡើងវិញនៅភូមិស្ពានថ្មី ឃុំស្រង៉ែ ស្រុកព្រៃឈរ ខេត្តកំពង់ចាម ជាបន្តរបន្ទាប់នោះរួចមក។
នៅថ្ងៃទី០៤ខែកញ្ញា ឆ្នាំ២០២២នេះ!ដោយមានបទបញ្ជាពីលោកអភិបាលស្រុកព្រៃឈរដឹកនាំផ្ទាល់ដោយលោកអភិបាលរង គឹម បូរ៉ានី និងលោកវរសេនីយ៍ឯក កែវ សេងហ៊ាន និងចូលរួមអនុវត្តផ្ទាល់ដោយលោកវរសេនីយ៍ទោ សួន រស់ អធិការដ្ថាននគរបាលស្រុកព្រៃឈរ សហការនិងកម្លាំងប៉ុស្តិ៍ បានចុះពិនិត្យទីតាំងផ្ទាល់ ដែលបណ្តាញសារព័ត៌មានចុះផ្សាយជាបន្តរបន្ទាប់គឺពុំមានលេងល្បែងដូចការចុះផ្សាយនោះទេ។
ឃើញតែកន្លែងស្នាមចាស់និងមានបងប្អូនប្រជាពលរដ្ឋ និយាយថា កន្លែងនេះ កន្លងមកមានតែបងប្អូងលួចជល់លេងម្តងកាល ២គូរទៅ៣គូរតែប៉ុន្មោះ។
អាស្រ័យដូចនេះសូមបងប្អូនជនរួមជាតិជាពិសេសបណ្តាញសារព័ត៌មានមួយចំនួនជ្រាបជាព័ត៌មាន ហើយសូមសុំណូមពរដល់បណ្តាញព័ត៌មានមួយចំនួនតូចកុំយករូបភាពចាស់ៗ រឺ,ត,ពីព័ត៌មានផ្សេងដែលចុះផ្សាយកន្លែងផ្សេងមកចុះផ្សាយនាំមានការភាន់ច្រលំ សូមអរគុណ៕
