ខេត្ដស្វាយរៀង៖ ដោយមានការសំណូមពរពីបងប្អូនប្រជាពលរដ្ឋក៏ដូចជាព្រះសង្ឃ ព្រះចៅអធិការវត្តទួលច្រេស ពាក់ព័ន្ធផ្លូវមួយខ្សែចូលវត្តទួលច្រេស ដោយមានការលំបាកក្នុងការធ្វើដំណើរពីវត្តទួលច្រេសដល់ផ្លូវជាតិលេខ១៣ ហើយក៏មានការយកចិត្តទុកដាក់ពី លោក ហែម ស៊ីណា អភិបាលស្រុករំដួលនៅព្រឹក ថ្ងៃអាទិត្យ ៧ កើត ខែអស្សុជ ឆ្នាំខាល
ចត្វាស័ក ពុទ្ធសករាជ ២៥៦៦
ត្រូវនឹងថ្ងៃទី២ ខែតុលា ឆ្នាំ២០២២នេះ បានចុះពិនិត្យ មកទូលប្រគេន ព្រះចៅអធិការវត្ត និងជម្រាបជូនប្រជាពលរដ្ឋនៅភូមិទួលច្រេស ឃុំកំពង់អំពិល ថាផ្លូវពីវត្តទួលច្រេសដល់ផ្លូវជាតិលេខ១៣ ផ្លូវនេះនឹងចាប់ផ្តើមធ្វើដោយក្រាលថ្មបំបែកក្នុងពេលឆាប់ៗខាងមុខនេះ។
នៅក្នុងឱកាសនោះដែរលោកហែម ស៊ីណា អភិបាលស្រុករំដួល បានលើកឡើងថាក្នុងនាមលោកជាអភិបាលស្រុកដោយមើលឃើញអំពីទុក្ខលំបាកក្នុងការធ្វើដំណើរនិង មានការសំណូមពរពីបងប្អូនប្រជាពលរដ្ឋផងនោះ ដេីម្បីឱ្យពុកម៉ែបងប្អូន ប្រជាពលរដ្ឋព្រះសង្ឃ សិស្សានុសិស្ស មានភាពងាយស្រួលក្នុងការធ្វើដំណើរទៅប្របកមុខរបរកសុីផ្សេងៗ និងដើម្បីមានភាពងាយស្រួលដឹកដំណាំកសិផលទៅកាន់ទីផ្សារផងដែរ ។
បងប្អូនប្រជាពលរដ្ឋនៅក្នុងមូលដ្ឋានភូមិទួលច្រេស ឃុំកំពុងអំពិល មានចិត្តសប្បាយរីករាយយ៉ាងក្រៃលែង ចំពោះធ្វើផ្លូវមួយខ្សែនេះដោយក្រាកថ្មបំបែក និងសូមគោរពជូនពរដល់លោកហែម ស៊ីណា អភិបាលស្រុករំដួល សូមមានសុខភាពល្អ សំណាងល្អជោគជ័យគ្រប់ភារៈកិច្ចការងារ និងសូមសមប្រកបនូវពុទ្ធពរទាំងបួនប្រការគឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
