ខេត្ដស្វាយរៀង៖បុរសវ័យចំណាស់ម្នាក់បានស្លាប់នៅនឹងកន្លែងកើតហេតុយ៉ាងអាណោចអាធម្ម ចំណែកឯក្មេងប្រុសម្នាក់ទៀតរងរបួសដោយសាររន្ទះបាញ់
ករណីដ៏រន្ធត់នេះដែរបានកើតឡើង កាលពីថ្ងែទី០៥ ខែកញ្ញា ឆ្នាំ២០២២ វេលាម៉ោង១៣ និង៤៥នាទីរសៀល ស្ថិតនៅក្នុងភូមិរោទិ៍ ឃុំញរ ស្រុកកំពង់រោទិ៍ ខេត្ត ស្វាយរៀង ។
ប្រភពពីសមត្ថកិច្ចប៉ុស្តិ៍នគរបាលរដ្ឋបាលឃុំញរបានប្រាប់អ្នកសារព័ព៌មានយើងឲ្យដឹងថា
ជនរងគ្រោះម្នាក់មានឈ្មោះ កឹម សាន ភេទ ប្រុស អាយុ៦៩ ឆ្នាំ មានទីលំនៅភូមិ រោទិ៍ ឃុំ ញរ ស្រុក កំពង់រោទិ៍ ខេត្ត ស្វាយរៀង បានស្លាប់នៅនឹងកន្លែងកើតហេតុ ចំណែកឯជនេងគ្រោះម្នាក់ទៀតមានឈ្មោះ ង៉ា សុផាន់ណា ភេទ ប្រុស អាយុ ១៧ឆ្នាំរស់នៅភូមិជាមួយគ្នា បានរងរបួសត្រូវបានបញ្ជូនទៅសង្គ្រោះនៅមន្ទីពេទ្យបង្អែកស្រុក កំពង់រោទិ៍។
សមត្ថកិច្ចបានឲ្យដឹងបន្ដទៀតថា មុនពេលកើតហេតុ ពួកគេបានទៅឃ្វាលក្របីនៅចំណុចខាងកើតភូមិរោទិ៍ ព្រំប្រទល់និងភូមិព្រៃចារ ឃុំខ្សែត្រចម្ងាយពីផ្ទះរបស់ខ្លួនប្រហែល៦០០ម៉ែត្រនៅពេលដែលមានភ្លៀងធ្លាក់មក ក៏បាននាំគ្នាទៅជ្រកក្រោមដើមអាកាស្យាដែលមានគ្នា៦នាក់ស្រី២នាក់ ហើយក៏ត្រូវបានរន្ទះបាញ់បណ្តាលឲ្យស្លាប់នៅនឹងកន្លែងម្នាក់និងម្នាក់ទៀតបានរងរបួស ។
ក្រោយពីកើតហេតុសមត្ថកិច្ចបានពិនិត្យរួចរាល់បានប្រគល់សពឱ្យសាច់ញាតិបងប្អូនយកទៅធ្វើបុណ្យតាមប្រពៃណី ៕
