ខេត្តបន្ទាយមានជ័យ៖នៅព្រឹកថ្ងៃចន្ទ ៧រោច ខែអស្សុជ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៧ ខែតុលា ឆ្នាំ២០២២ វេលាម៉ោង០៧ និង០០នាទី កងរាជអាវុធហត្ថខេត្តបន្ទាយមានជ័យ បានរៀបចំគោរពទង់ជាតិ នៃព្រះរាជាណាចក្រកម្ពុជា នៅបញ្ជាការដ្ឋានកងរាជអាវុធហត្ថខេត្តបន្ទាយមានជ័យ ដឹកនាំដោយលោកវរសេនីយ៍ឯក ជា តារា មេបញ្ជាការរងកងរាជអាវុធហត្ថខេត្តបន្ទាយមានជ័យ ជានាយប្រចាំបញ្ជា ព្រមទាំងនាយទាហាន នាយទាហានរង នៃកងរាជអាវុធហត្ថចូលរួមចំនួន៦០នាក់ ។
បន្ទាប់ពីបញ្ចប់ គោរពទង់ជាតិ នៃព្រះរាជាណាចក្រកម្ពុជា លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត បានអញ្ជេីញ ចែក អាវរងា រ ជូនដល់កម្លាំងកងរាជអាវុធហត្ថ ដែលជាអំណោយដ៏ថ្លៃថ្លា របស់សម្តេចអគ្គមហា សេនាបតី តេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ។
ដោយក្នុងនោះ ដែរលោកឧត្តមសេនីយ៍ត្រី មេបញ្ជាការ ក៏បានណែនាំដល់កងកម្លាំងអាវុធហត្ថនៅក្នុងរដូវរងា រដែលនឹងមកដល់នាពេលខាងមុខ ត្រូវថែរក្សាសុខភាពឱ្យបានល្អទាំងអស់គ្នាផងដែរ ។
