ខេត្ដស្វាយរៀង ៖ នៅព្រឹកថ្ងៃព្រហស្បតិ៍ ១០ រោច ខែអស្សុជ ឆ្នាំខាលចត្វាស័ក ពុទ្ធសករាជ ២៥៦៦ត្រូវនឹងថ្ងៃទី២០ ខែតុលា ឆ្នាំ២០២២នេះ រដ្ឋបាលស្រុករំដួល ក្រោមការ ដឹកនាំដោយផ្ទាល់ពី លោកហែម សុីណា អភិបាល នៃគណៈភិបាលស្រុករំដួល និងជាប្រធានគណៈបញ្ជារការឯកភាពស្រុករំដួល បានប្រារព្ធពិធី យុទ្ធនាការអប់រំផ្សព្វផ្សាយអនាម័យបរិស្ថាន នៅក្នុងភូមិចក ឃុំកំពង់ចក ស្រុករំដួល ខេត្ដស្វាយរៀង តាមបណ្ដោយផ្លូវជាតិលេខ១៣,ផ្លូវចូលវត្ដលក្ខរាជា និង បរិវេនជុំវិញផ្សារកំពង់ចក ។
កម្មពិធីនៅថ្ងែនេះ ក្រោមប្រធានបទ ” អប់រំផ្សព្វផ្សាយអនាម័យបរិស្ថាន ស្រុករំដួល ” ដែលរៀបចំដោយ រដ្ឋបាលស្រុករំដួល សហការជាមួយ មន្ដ្រីសាលាស្រុក,ព្រះសង្ឃ ,អធិការស្រុក,កម្លាំងកងរាជអាវុធហត្ថស្រុក,កម្លាងសឹករងស្រុក ,កម្លាំងសម្ថកិច្ចប៉ុស្តិ៍រដ្ឋបាល អាជ្ញាធរមូលដ្ឋាន ឃុំ ភូមិ ប្រជាការពារ លោកគ្រូ អ្នកគ្រូ សិស្សានុសិស្ស ក្នុងគោលបំណងធ្វើឲ្យកាន់តែមានការយល់ដឹងពីបរិស្ថានស្អាត ទីក្រុង ស្រុក ស្អាត សុខភាពល្អ សម្រាប់ការរស់ ។
ថ្លែងក្នុងឱកាសនោះ លោកហែម សុីណា សូមអំពាវនាវឲ្យបងប្អូនជនរួមជាតិយើង ទោះជាប្រជាពលរដ្ឋក្តី មន្ត្រីរាជការ កងកម្លាំងប្រដាប់អាវុធ លោកគ្រូ អ្នកគ្រូ សិស្សានុសិស្ស ព្រះសង្ឃ សូមចូលរួមក្នុងកិច្ចគាំពារបរិស្ថាន តាមសមត្ថភាព លទ្ធភាព និងភារកិច្ចជំនាញរបស់ខ្លួន ហើយសូមស្វែងយល់អំពីបញ្ហាបរិស្ថានឲ្យបានស៊ីជម្រៅ និងចូលរួមក្នុងការងារបរិស្ថានទាំងអស់គ្នា សូមមានការយល់ដឹង ប្រកបដោយវិចារណញ្ញាណ និងមនសិការខ្ពស់ ឈប់បំផ្លាញ់បរិស្ថាន ទោះដោយចេតនាក្តី ឬអចេតនាក្តី ក្នុងក្តីរំពឹងរបស់អ្នកជំនាន់ក្រោយ រស់នៅដោយផាសុកភាព សំបូរសប្បាយរុងរឿង និងសុភមង្គល ដើម្បីមុខមាត់ការរីកចំរើនស្រុករបស់យើងទាំងអស់គ្នា ៕
