ខេត្ដស្វាយរៀង ៖ ក្រោយពីអង្គភាពសារព័ត៌មានយើងបានធ្វើការចុះផ្សាយតាមសំណូមពររបស់បងប្អូនប្រជាពលរដ្ឋពាក់ព័ន្ធករណីផ្លូវក្រវ៉ាត់ស្រុកកំពង់រោទិ៍កាលពីថ្ងៃទី១៩ ខែតុលាឆ្នាំ២០២២ ក្រោមចំណងជើងថា(ពលរដ្ឋស្នើសុំលោកអភិបាលស្រុកកំពង់រោទិ៍ចុះពិនិត្យមើលផ្លូវក្រវ៉ាត់ស្រុកកំពង់រោទិ៍ផង) ឥឡូវនេះរដ្ឋបាលស្រុកកំពង់រោទិ៍ចេញសេចក្ដីបំភ្លឺហើយ ។
យោងតាមសេចក្ដីបំភ្លឺព័ត៌មានថា៖រដ្ឋបាលស្រុកសូមទទួលស្គាល់នៅការខូចខាតចំពោះផ្លូវនេះពិតប្រាកដមែន ទន្ទឹមនឹងនោះរដ្ឋបាលស្រុកកលើកគម្រោងដាក់លូនិងជួសជុលធ្វើជាផ្លូវបេតុងអាមេដោយប្រើប្រាស់ថវិកាមូលនិធិស្រុកឆ្នា២០២៣.២០២៤ព្រោះផ្លូវនេះមានចំនួនអ្នកអាស្រ័យផលតិចតួចបំផុតប្រមាណតែ ៥ គ្រួសារប៉ុណ្ណោះហើយចំពោះការធ្វើចរាចរណ៍របស់ប្រជាពលរដ្ឋវិញត្រូវបានប្រើប្រាស់ផ្លូវកៅស៊ូចំនួន ២ខ្សែ គឺផ្លូវជាតិ 314C និងផ្លូវលេខ 314D ដែលនៅជាប់ផ្លូវក្រវ៉ាត់នេះជារៀងរាល់ថ្ងៃផងដែរ។
រដ្ឋបាលស្រុកបានបញ្ជាក់ថា កន្លងមកស្រុកបានប្រើប្រាស់ថវិកាមូលនិធិសម្រាប់អភិវឌ្ឍហេដ្ឋារចនាសម្ព័ន្ធដែលប្រើប្រាស់ប្រយោជន៍សាធារណៈទៅតាមអាទិភាពនិងការអាស្រ័យផលរបស់ប្រជាពលរដ្ឋក្នុងមូលដ្ឋានដូចជាបានធ្វើប្រព័ន្ធលូរំដោះទឹកប្រមាណជាង ១០០០ ម៉ែត្រតាមសងខាងផ្លូវក្រវ៉ាត់ស្រុកប៉ែកខាងកើតបានជួសជុលផ្លូវក្រាលបេតុងអាមេចំនួន ២ ខ្សែ ក្នុងភូមិអាណាត ទីប្រជុំជនស្រុកប្រវែងជាង ៥០០ ម៉ែត្របានជួសជុលកែលម្អរផ្លូវបេតុងអាមេប្រវែង ២៣៩ ម៉ែត្រជុំវិញផ្សារកំពង់រោទិ៍កែលម្អរសួនច្បារក្រាលរីឡាក្នុងទីប្រជុំស្រុកដោយផ្លូវក្រវ៉ាត់ស្រុកបែកខាងលិចរដ្ឋបាលស្រុកបានដាក់បញ្ចូលក្នុងគម្រោងអភិវឌ្ឍន៍ដែលប្រើប្រាស់មូលនិធិស្រុកឆ្នាំ ២០២៣ និងឆ្នាំបន្តបន្ទាប់ទៀត ៕
សូមអានឯកសារដើមនៅខាងក្រោម៖
