ខេត្ដព្រៃវែង៖ កាលពីព្រឹកថ្ងៃទី០១ខែវិច្ឆិកាឆ្នាំ២០២២ លោកវរសេនីយ៍ឯក សួន សំអឿន អធិការនគរបាលស្រុកបានផ្តល់ថវិកាលើកទឹកចិត្ត ២០០,០០០រៀល ដល់លោកវរសេនីយ៍ទោ ឃុត សារ៉ាយ អធិការរង ជាប្រធានក្រុមការងារបង្រ្កាបល្បែងស៊ីសងខុសច្បាប់(បៀរ) ដែលចុះបង្រ្គាបឃាត់ខ្លួនជនប្រុសស្រីញៀនល្បែងចំនួន៥នាក់ កាលពីថ្ងៃទី២២ ខែតុលា.ឆ្នាំ២០២២ នៅក្នុងភូមិ តាមាស ឃុំជាងដែក ស្រុកកំពង់ត្របែក ខេត្ដព្រៃវែង ។
បច្ចុប្បន្នជនសង្ស័យ ៥ នាក់ត្រូវបានកម្លាំងជំនាញកសាងសំណុំរឿង បានបញ្ជូនទៅសាលាដំបូងខេត្តព្រៃវែង។
លោកវរសេនីយ៍ឯក សួន សំអឿន បានលើកឡើងថាការលើកទឹកចិត្ដដល់មន្ត្រីនគរបាលនៅក្នុងស្រុកកំពង់ត្របែកនេះមិនមែនជាលើកទី១នោះទេហើយលោកនឹងបន្ដលើកផ្ដល់ទឹកប្រាក់លើកទឹកបន្ដទៀតចំពោះមន្ត្រីណាដែលមានស្នាដៃក្នុងការបង្ក្រាបបទល្មើសផ្សេងៗទៀត នៅក្នុងមូលដ្ឋានស្រុកកំពង់ត្របែក ។
លោកក៍បានអំពាវនាវដល់បងប្អូនប្រជាពលរដ្ឋដែលរស់នៅក្នុងមូលដ្ឋានស្រុកកំពង់ត្របែកទាំងអស់សូមមេត្តារាយការណ៍ទៅសមត្ថកិច្ចភ្លាមៗប្រសិនបើមានបទល្មើសផ្សេងៗកើតឡើងនៅក្នុងមូលដ្ឋាន ដែលរស់នៅសព្វថ្ងៃតាមរយៈលេខទូរសព្ទដែលបានបិទផ្សាយជូន ដើម្បីឲ្យសមត្ថកិច្ចយើងចុះទៅដល់គោលដៅទាន់ពេលវេលាផងដែរ ៕
