ខេត្ដព្រៃវែង៖ លោកវរសេនីយ៍ឯក សួន សំអឿន អធិការនគរបាលស្រុក ថ្ងៃទី១ ខែវិច្ឆិកា ឆ្នាំ២០២២ នេះ បាន ជូនថវិកាលើកទឹកចិត្ត ១០០,០០០រៀលដល់លោកអធិការរងប្រឆាំងគ្រឿងញៀន ដែលមានស្នាដៃបង្រ្កាបបានករណីគ្រឿងញៀន កាលពីថ្ងៃទី២៦ខែ១០ឆ្នាំ២០២២ វេលាម៉ោង១៣និង២០នាទីនៅចំនុចលើផ្លូវលំស្ថិតក្នុងភូមិប្រាសាទ ឃុំប្រាសាទ ស្រុកកំពង់ត្របែក ខេត្តព្រៃវែង កម្លាំងជំនាញផ្នែកប្រឆាំងគ្រឿងញៀនស្រុក បានសហការជាមួយកម្លាំងប៉ុស្ដិ៍នគរបាលរដ្ឋបាលប្រាសាទនិងគោខ្ចក បានធ្វើការឃាត់ខ្លួនជនសង្ស័យចំនួន៤នាក់ ។
បច្ចុប្បន្ន ជនសង្ស័យ រួមនិងវត្ថុតាងត្រូវបានបញ្ជួនទៅសាលាដំបូងខេត្តព្រៃវែងដើម្បីអនុវត្តតាមនិតិវិធី។
លោកវរសេនីយ៍ឯក សួន សំអឿន បានលើកឡើងថាការលើកទឹកចិត្ដដល់មន្ត្រីនគរបាលនៅក្នុងស្រុកកំពង់ត្របែកនេះមិនមែនជាលើកទី១នោះទេហើយលោកនឹងបន្ដលើកផ្ដល់ទឹកប្រាក់លើកទឹកបន្ដទៀតចំពោះមន្ត្រីណាដែលមានស្នាដៃក្នុងការបង្ក្រាបបទល្មើសផ្សេងៗទៀត នៅក្នុងមូលដ្ឋានស្រុកកំពង់ត្របែក ។
លោកក៍បានអំពាវនាវដល់បងប្អូនប្រជាពលរដ្ឋដែលរស់នៅក្នុងមូលដ្ឋានស្រុកកំពង់ត្របែកទាំងអស់សូមមេត្តារាយការណ៍ទៅសមត្ថកិច្ចភ្លាមៗប្រសិនបើមានបទល្មើសផ្សេងៗកើតឡើងនៅក្នុងមូលដ្ឋាន ដែលរស់នៅសព្វថ្ងៃតាមរយៈលេខទូរសព្ទដែលបានបិទផ្សាយជូន ដើម្បីឲ្យសមត្ថកិច្ចយើងចុះទៅដល់គោលដៅនិងបង្ក្រាបទាន់ពេលវេលាផងដែរ ៕
