(ខេត្តពោធិ៍សាត់) ៖ នាថ្ងៃទី ០១ ខែ វិច្ឆិកា ឆ្នាំ ២០២២ លោក យិន ចាន់ថុល តំណាងឱ្យយលោក ឌី អិន(DN) នាយកផ្នែកលក់នៃក្រុមហ៊ុនខ្មែរមហាសំណាងបានជួយឧបត្ថម្ភថវិកា ចំនួន ១,២០០,០០០រៀល ដល់ប៉ុស្តិ៍នគរបាលរដ្ឋបាលឃុំខ្នារទទឹង ស្រុកបាកាន ខេត្តពោធិ៍សាត់ ដើម្បីសាងសង់ស្នាក់ការប៉ុស្តិ៍ថ្មី ដោយស្នាក់ការប៉ុស្តិ៍ចាស់មានសភាពទ្រុតទ្រោមខ្លាំង។
ក្រុមហ៊ុនខ្មែរមហាសំណាងជាក្រុមហ៊ុនឆ្នោតស្របច្បាប់មានអជ្ញាបណ្ណត្រឹមត្រូវ និងមានប្រតិបត្តិការទូទំាងព្រះរាជាណាចក្រកម្ពុជាដោយអនុលោមទៅតាមច្បាប់ និងគោលការណ៏ណែនាំរបស់រាជរដ្ឋាភិបាលកម្ពុជា។ ក្រុមហ៊ុនខ្មែរមហាសំណាងតែងតែចូលរួមចំណែកការងារសង្គមនៅទូទាំងប្រទេស ពិសេសនាំយកនូវថវិកា និងសម្ភារៈផ្សេងៗជូនដល់ជនក្រីក្ររ អជ្ញាធរមូលដ្ឋាន និងជនងាយរងគ្រោះជាច្រើន។
សកម្មភាពសប្បុរសធម៌របស់ក្រុមហ៊ុនខ្មែរមហាសំណាងគឺជាគុណតម្លៃស្នូលដែលបានឆ្លុះបញ្ចាំងលើចក្ខុវិស័យរបស់ក្រុមហ៊ុន និងកាយវិការចូលរួម ក្នុងការរួមចំណែកគាំទ្រពិសេសដល់ប្រជាពលរដ្ឋដែលជួបការលំបាក ខ្វះខាតក្នុងជីវភាពប្រចាំថ្ងៃ ផលប៉ះពាល់ពីគ្រោះធម្មជាតិ ។ល។
លោកអនុសេនីយ៍ឯក ឃុន នាង នាយប៉ុស្តិ៍នគរបាលរដ្ឋបាលខ្នារទទឹងបានថ្លែងអំណរ គុណដល់លោក យិន ចាន់ថុល និង ក្រុមហ៊ុនខ្មែរមហាសំណាងនូវការឧបត្ថម្ភនេះ សម្រាប់បំរើសេវាជូនដល់ប្រជាពលរដ្ឋក្នុងមូលដ្ឋាន៕
