ខេត្ដស្វាយរៀង ៖ នៅថ្ងៃអាទិត្យ ១៣កើត ខែកក្ដិក ឆ្នាំខាលចត្វាស័ក ពុទ្ធសករាជ ២៥៦៦ត្រូវនឹងថ្ងៃទី០៦ ខែវិច្ឆិកា ឆ្នាំ២០២២ នេះ ឯកឧត្តម មួន សុណា និងលោកជំទាវ ព្រមទាំងបុត្រាបុត្រី លោក លោកស្រីបងប្អូនប្រជាពុទ្ធបរិស័ទចំណុះជើងវត្តជិតឆ្ងាយដង្ហែអង្គរកឋិនទានមកវត្ត បុព្វារាមរស្មី(បាត់ថង់) ស្ថិតក្នុងភូមិបាត់ថង់ ឃុំ គគីសោម ស្រុកស្វាយទាប ខេត្តស្វាយរៀង ។
ដោយមានសន្ធាជ្រះថ្លាក្នុងវិស័យព្រះពុទ្ធសាសនា ឯកឧត្តមលោកជំទាវ លោក លោក ស្រីបងប្អូនប្រជាពុទ្ធបរិស័ទ ចំណុះជើងវត្តទាំងអស់ បានចំណាយនូវទ្រព្យសម្បត្តិផ្លាល់ខ្លួនផ្តួចផ្តើមធ្វើបុណ្យកឋិនទានដង្ហែទៅវេរប្រគេនព្រះសង្ឃនៅវត្ត បុព្វារាមរស្មីបាត់ថង់ ដែលមានព្រះគ្រូចៅអធិការវត្ត ព្រះនាម វរធម្មោ ហុង សិរីវុទ្ធ ។
អង្គកឋិនទាន គឺជាបុណ្យមួយដែលប្រជាពុទ្ធបរស័ទ្ធខ្មែរយើងបានប្រារព្ធធ្វើឡើងជារៀងរាល់ ឆ្នាំបន្ទាប់ ពីបុណ្យចូលព្រះវស្សាផុតទៅ ដែលមានរយៈពេលធ្វើបុណ្យកឋិនទាននេះមានតែរយៈពេល ២៩ថ្ងៃ ហើយ ក្នុងវត្តនីមួយៗ បានដង្ហែរអង្គកឋិនទានបានតែម្តងក្នុងមួយឆ្នាំ ដើម្បីនាំមកនូវគ្រឿងទេយ្យទានជាអង្គកឋិនមាន ស្បង់ ចីវរនិងសង្ឃដី ក្រៅពីនេះ គឺជាបរិក្ខារបស់អង្គកឋិនទាំងអស់ រួមនិងបច្ច័យជាច្រើនទៀងសម្រាប់ នាំមកវេរប្រគេនដល់ព្រះសង្ឃដែលគង្សចាំព្រះវស្សាអស់ត្រីមាសក្នុងពុទ្ធសីមានីមួយៗសម្រាប់ប្រើប្រាស់កសាង សមិទ្ធិផលនានាក្នុងទីអារាម ។
ការរៀបចំផ្តួចផ្តើមអង្គកឋិនទាននេះ ក៏បានឧទ្ទិសជូននូវបុណ្យកុសលទាំងឡាយ ដែលកើតពីសទ្ធាជ្រះថ្លាធ្វើបុណ្យកឋិនទានសាមគ្គីនេះ ជូនចំពោះជីដូនជីតា ញាតិកាទាំងប្រាំពីសណ្តានដែលបានចែកឋាន ទៅកាន់លោកខាងមុខ ព្រមទាំងបានជូននូវបុណ្យកុសលចំពោះឯកឧត្តម លោកជំទាវ លោកឧកញ៉ា លោក លោកស្រី និងពុទ្ធបរិស័ទចំណុះជើងវត្ត ជាអ្នកផ្តើមបុណ្យ សូមបានសុខ ចំរ៉ុងចំរើនជារៀងរហូតទៅ ។
ព្រះគ្រូចៅអធិការវត្តបុព្វារាមរស្មីបាត់ថង់ ព្រះនាម វរធម្មោ ហុង សិរីវុទ្ធ សូមអំពាវនាវដល់ ទ្រង់ សម្ដេច ឯកឧត្ដម អ្នកឧកញ្ញ៉ា ឧកញ្ញ៉ា លោកជំទាវ អស់លោក លោកស្រី អ្នកនាងកញ្ញា នាយ នាយិកា ពុទ្ធបរិស័ទទាំងទីជិតទាំងទីឆ្ងាយ សូមជួយឧបត្ថម្ភ ដល់វត្ដបុព្វារាមរស្មី(បាត់ថង់) ផងព្រោះវត្ដនៅខ្វះខាតច្រើន វត្ដទើបតែកសាងថ្មីហើយដាច់ស្រយ៉ាល ៕
