ស្វាយរៀង ៖ នៅថ្ងៃទី១៤ខែ វិច្ឆិកា ឆ្នាំ ២០២២នេះក្រុមការងារប្រចាំខេត្តស្វាយរៀងបាននាំយកមូលនិធិក្រុមហ៊ុនឆ្នោតខ្មែរមហាសំណាង ចូលរួមឧបត្ថម្ភអធិការនៃអធិការរដ្ឋាននគរបាលស្រុករំដួលចំនួន១,២០០,០០០. រៀល ដើម្បីចូលរួមចំណែកជួលជុលកសាងអង្គភាពឲ្យមានភាពងាយស្រួលក្នុងការផ្តល់សេវ៉ាសាធារណៈជូនបងប្រជាពលរដ្ឋ។
ក្រុមហ៊ុនខ្មែរមហាសំណាង ជាក្រុមហ៊ុនឆ្នោតខ្មែរស្របច្បាប់មានអជ្ញាបណ្ណត្រឹមត្រូវ និងមានប្រតិបត្តិការទូទំាងព្រះរាជាណាចក្រកម្ពុជាដោយអនុលោមទៅតាមច្បាប់ និងគោលការណ៏ណែនាំរបស់រាជរដ្ឋាភិបាលនៃព្រះរាជាណាចក្រកម្ពុជា។
ក្រុមហ៊ុនខ្មែរមហាសំណាងតែងតែចូលរួមចំណែកការងារសង្គមនៅទូទាំងប្រទេស និងនៅតែបន្តនាំយកនូវថវិកានិងសំភារៈផ្សេងៗ ជួយដល់ជនក្រីក្រខ្វះខាតខ្លាំង អាជ្ញាធរមូលដ្ឋាន និងជាពិសេសជនងាយរងគ្រោះជាបន្តបន្ទាប់នៅតាមមូលដ្ឋាន ពោលគឺជួយទៅតាមអ្វីដែលក្រុមហ៊ុនអាចជួយទៅបាន។
ឆ្លៀតនៅក្នុងឪកាសនោះដែរ លោកវរសេនីយ៍ឯក មាស ធូក អធិការនៃការរដ្ឋាននគរបាលស្រុករំដួល បានថ្លែងអំណរគុណយ៉ាងជ្រាលជ្រៅដល់ក្រុមហ៊ុនខ្មែរមហាសំណាងសម្រាប់ការផ្តល់ជាថវិកាដល់អធិការស្រុករំដួលក្នុងការកសាងអង្គភាពដើម្បីឲ្យមានភាពងាយស្រួលផ្តល់សេវ៉ាសាធារណៈជូនពលរដ្ឋមូលដ្ឋាន៕
