ខេត្ដព្រៃវែង៖ ដោយមានការចង្អុលបង្ហាញពីលោកវរសេនីយ៍ឯកសួន សំអឿន អធិការនគរបាលស្រុកកំពង់ត្របែក នៅថ្ងៃទី១៧ខែវិច្ឆិកា ឆ្នាំ២០២២ កម្លាំងប៉ុស្តិ៍
នគរបាលរដ្ឋបាលកន្សោមអក លោកវរសេនីយ៍ត្រី វ៉ា ណារ៉ា នាយប៉ុស្តិ៍ បានដឹកនាំមន្ត្រី ចុះល្បាតក្នុងភូមិសាស្ត្រ ពេលយប់ដល់ចំណុចវាលស្រែ ស្ថិតក្នុងភូមិជ្រួល ឃុំកន្សោមអក ស្រុកកំពង់ត្របែក ខេត្តព្រៃវែង បានប្រទះឃើញជនសង្ស័យ កំពុងធ្វើសកម្មភាព ឆក់ត្រីក្នុងស្រែ ភ្លាមនោះកម្លាំងសមត្ថកិច្ច ក៍បានឃាត់ខ្លួនយកមកប៉ុស្តិ៍ នគរបាលរដ្ឋបាលកន្សោមអក ដើម្បីសាកសួរនិងកសាងសំណុំរឿងតាមនីតិវិធី។
លោកវរសេនីយ៍ឯកសួន សំអឿន បានឲ្យដឹងថា ជនសង្ស័យមានឈ្មោះ អៀង ជា ភេទប្រុស អាយុ ៤៣ ឆ្នាំ នៅភូមិ ជ្រួល ឃុំកន្សោមអរ ស្រុក កំពង់ត្របែក ខេត្តព្រៃវែង ។
ក្នុងនោះសមត្ថកិច្ចចាប់យកវត្ថុតាងដករួមមាន៖
១-អាគុយ ៤០ អំពែចំនួន១គ្រឿង
២-ដុំអាំងវ័ទ័រឆក់
៣-ក្បាលពិលចំនួន ១
៤-ទ្រុងត្រីចំនួន ០១និងត្រីជាច្រើនផងដែរ។
បច្ចុប្បន្នកម្លាំងជំនាញបានកសាងតាមនីតិវិធីបញ្ជូនទៅការិយាល័យជំនាញនៃស្នងការដ្ឋាននគរបាលខេត្តព្រៃវែងចាត់ការបន្តទៅជំនាញជលផលដើម្បីអនុវត្តច្បាប់។
សូមបញ្ជាក់ថា កន្លងមកលោកវរសេនីយ៍ឯក សួន សំអឿន អធិការនគរបាលស្រុកកំពង់ត្របែក ធ្លាប់បានសហការជាមួយអាជ្ញាធរឃុំ ភូមិ ប្រជាការពារនិងប៉ុស្តិ៍នគរបាលរដ្ឋបាល ចុះ ផ្សព្វផ្សាយអប់រំដល់ប្រជាពលរដ្ឋអោយជួយការពារធនធានធម្មជាតិ (ត្រី)និងសូម អំពាវនាវកុំនេសាទដោយប្រើដុំឆក់ បើមានដុំឆក់ សុំអោយប្រគល់ជូនអាជ្ញាធរឬសមត្ថកិច្ចដើម្បីដុតបំផ្លាញចោល ។
ម្យ៉ាងវិញទៀតប្រសិនបើបងប្អូនក៏ជាពលរដ្ឋនៅក្នុងមូលដ្ឋានស្រុកកំពង់ត្របែកទាំងមូលប្រសិនបើឃើញមានបទល្មើសផ្សេងៗកើតឡើងនៅក្នុងមូលដ្ឋានរបស់ខ្លួន សូមរាយការណ៍មកសមត្ថកិច្ចជាបន្ទាន់តាមរយៈលេខទូរសព្ទដែលបានបិទផ្សាយជូន ដើម្បីឲ្យសមត្ថកិច្ចចុះទៅដល់ទីតាំងធ្វើការបង្ក្រាបទាន់ពេលវេលា ៕
