ខេត្តកំពង់ចាម៖ ប្រជាពលរដ្ឋល្អរស់នៅស្រុកព្រៃឈរ បានប្រាប់មកអង្គភាពសារព័ត៌មានយើងថាមាន ល្បែងសុីសងខុសច្បាប់ កត់ឆ្នោតកន្ទុយលេខវៀតណាម នៅក្នុងស្រុកព្រៃឈរ ខេត្តកំពង់ចាម បើកដំការជារៀងរាល់ថ្ងៃអាជ្ញាធរនិងសមត្ថកិច្ចពាក់ព័ន្ធមិនបង្ក្រាប ។
ប្រភពបានឲ្យដឹងថា ជាក់ស្ដែងសព្វថ្ងៃនេះល្បែងឆ្នោតកត់កន្ទុយលេខឆ្នោតវៀតណាមនៅតាមភូមិផ្កាយព្រឹក, ភូមិទួលពួន, ភូមិមាន ឃុំមាន និងភូមិកកោះ, ភូមិត្រពាំងក្រសាំងឃុំត្រពាំងព្រះ ស្រុក ព្រៃឈរ ខេត្ដកំពង់ចាម គឺមានមេធំៗ ដាក់កូនកញ្ច្រែង ល្អី ដើរកត់ឆ្នោតតាមភូមិ ឡើងប្រសេកសាចជាពិសេសនៅម្តុំ ភូមិមាននិងភូមិកកោះ តាមផ្ទះលក់បាយកាហ្វេតែម្ដង ដោយកូនកញ្រ្ចែញ ល្អី ទាំងនេះយកទៅឲ្យ មេឆ្នោតត្រូវបានគេស្គាល់ ឈ្មោះ ចែ ធារ៉ា នៅភូមិកកោះ ឃុំត្រពាំងព្រះ ស្រុកព្រៃឈរ និងមេផ្សេងទៀត ជាមេឆ្នោត ធំ ៗ ប្រចាំស្រុកព្រៃឈរ ខេត្តកំពង់ចាម។
ប្រភពបានបន្ដថា មេឆ្នោតកន្ទុយលេខវៀតណាម ឈ្មោះ ចែ ធារ៉ា ដែលប្រមូលយក បានដាក់ពង្រាយកូនកញ្ច្រែង ល្អី អោយដើរកត់ឆ្នោត បង្វក់ស្មារតីបងប្អូនប្រជាពលរដ្ឋ ឲ្យនាំគ្នាលេងឆ្នោតផ្សងសំណាងនេះស្ទើគ្រប់គ្នាទៅហើយ ។
ពលរដ្ឋលើកឡើងថា សកម្មភាពទាំងនេះមិនត្រូវបានសមត្ថកិច្ចនឹងអាជ្ញាធរ ឃុំ ស្រុក បង្ក្រាបនោះទេ មានអ្នកញៀនល្បែងខ្លះចាញ់អស់ទ្រព្យសម្បត្ដិ កើតជាជម្លោះ ក្នុងគ្រួសារ និង ស្បែងសុីសងទាំងនេះហើយជាដើមចមនៃអំពើលួច ឆក់ប្លន់ ដែលបង្កឲ្យមានភាពអសន្តិសុខនៅក្នុងមូលដ្ឋាន។
ពាក់ព័ន្ធករណីល្បែងសុីសងខុសច្បាប់ខាងលើនេះ លោកវរសេនីយ៍ឯក សេង ណា អធិការស្រុកព្រៃឈរបានប្រាប់បានប្រាប់មកអង្គភាពសារព័ត៌មានយើងថា៖ លោកបានអោយកម្លាំងប៉ុស្ដិ៍ចុះតាមដានមើលហើយ ។
សូមបញ្ជាក់ថា កាលពីថ្ងៃទី១៧ ខែកញ្ញា ឆ្នាំ២០២២កន្លងទៅ សម្តេចតេជោ បានដាក់បញ្ជាឱ្យសមត្ថកិច្ចពាក់ព័ន្ធ ក៏ដូចអាជ្ញាធរមូលដ្ឋាន ត្រូវបង្ក្រាបឱ្យអស់នូវល្បែងសងខុសច្បាប់គ្រប់ប្រភេទក្នុងមូលដ្ឋានរបស់ខ្លួនជាមួយនិងព្រមានដកដំណែងថែមទៀតផង។ ដូចនេះប្រជាពលរដ្ឋរង់ចាំមើលថា តើទីតាំងបើកលេងល្បែងស៊ីសងខុសច្បាប់កត់ឆ្នោតកន្ទុយលេខវៀតណាម នេះ នឹងទៅជាយ៉ាងណា? តើសមត្ថកិច្ចពាក់ព័ន្ធក៏ដូចអាជ្ញាធរមូលដ្ឋានហ៊ានប្រឆាំងនិងបទបញ្ជាសម្តេចតេជោ ហ៊ុន សែននិងបទបញ្ជារបស់ស្មារតីអង្គប្រជុំដែរឫទេ?
ប្រជាពលរដ្ឋបានអំពាវនាវដល់ លោក ហេង វុទ្ធី ស្នងការដ្ឋាននគរបាលខេត្តកំពង់ចាម សូមចាត់មន្រ្តីក្រោមឱវាទចុះពិនិត្យភាពមិនប្រក្រតី ចំពោះបុគ្គលនិងបក្សពួកដែលហ៊ានបេីកល្បែងសុីសងកត់ឆ្នោតវៀតណាមនេះផងទាន ដេីម្បីបង្រឹងសន្តិសុខសណ្តាប់ធ្នាប់ក្នុងសង្គមនិងស្របតាមគោលនយោបាយឃុំសង្កាត់មានសុវត្ថិភាពទាំង ៧ ចំណុចរបស់រាជរដ្ឋាភិបាលដែលដាក់ចេញដោយក្រសួងមហាផ្ទៃ៕
