បន្ទាយមានជ័យ ៖ នៅថ្ងៃទី ០៩ ខែ មេសា ឆ្នាំ២០២៣ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និងលោកស្រី មាតា បីតា ព្រមទាំងសហការី បានអញ្ជើញកាត់ខ្សែបូនិងឆ្លងសមិទ្ធិផលនានា នៅវត្តសុភមង្គល ស្ថិតនៅ ភូមិរោងម៉ាសុីន សង្កាត់អូរអំបិល ក្រុងសិរីសោភ័ណ ។
ពិធីនេះត្រូវបានប្រារព្ធធ្វើឡើង ក្រោយពីការកសាង ខ្លោងទ្វា ព្រះពុទ្ឋរូប រូបសំណាក់ព្រះបាទជ័យវរ្ម័នទី៧ រួចធ្វើបុណ្យឆ្លងទៅតាមប្រពៃណីនៃព្រះពុទ្ធសាសនា សម្រាប់បូជាសក្ការៈ និងដើម្បីឧទ្ទិសកុសល ជូនដល់បុព្វការីជន ព្រមទាំងញាតិការគ្រប់ៗគ្នា ក្នុងសង្សារវដ្ត។ក្នុងនោះ លោកឧត្តមសេនីយ៍ទោស្នងការ និងលោកស្រី រួមសហការីបានប្រគេន បច្ច័យសរុប ៩,១៥០,០០០រៀល (ប្រាំបួនលានដប់ប្រាំមុឺនរៀល) និងន៣០០ដុល្លារ និងសម្ភារះ ភេសជ្ជៈ សម្រាប់ប្រគេនព្រះសង្ឃ អាចារ្យគណៈកម្មការ ផងដែរ ។
លោកឧត្តមសេនីយ៍ទោស្នងការ ក៏សូមប្រគេនពរនិងជូនពរដល់ព្រះសង្ឃគ្រប់ព្រះអង្គ និងលោក លោកស្រី ឧត្តម សេនីយ៍ វរសេនីយ៍ ស្នងការរង លោក នាយការិយាល័យ លោកអធិការនគរបាលក្រុងស្រុក លោកមេបញ្ជាការវរៈ លោកតា លោកយាយ ញត្តិមិត្តទាំងអស់ទទួលបាន សុខភាពល្អ និង ពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
