(ស្វាយរៀង ) ៖ កាលពីព្រឹកថ្ងៃអាទិត្យ ទី២៨ ខែឧសភា ឆ្នាំ២០២៣ លោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំ បាននាំយកសូឡា ចំនួន ០២ផ្ទាំងទៅដាក់បំភ្លឺផ្លូវ និងបាននាំយកអំណោយជាសម្ភារៈប្រើប្រាស់ គ្រឿងឧបភោគបរិភោគ ទៅចែកជូន ដល់គ្រួសារពិការភាពនិងទុរគតជន នៅភូមិជៀសឬស្សី និងភូមិចំបក់គុយចំនួន២គ្រួសារ។
ដោយមានការចូលរួមពី លោកស្រី មេឃុំកំពង់ចំឡង និង ស្មៀន ឃុំជំនួយការហិរញ្ញវត្ថុ, លោកនាយ.នាយរងប៉ុស្តិ៍ព្រមទាំងមន្រី្ត មេភូមិ អនុភូមិ ជំនួយការភូមិ ជៀសឬស្សី និងភូមិចំបក់គុយ ។
លោកវរសេនីយ៍ឯក សោម សុភ័ណ្ឌ បានបញ្ជាក់ថា គ្រួសារពិការមានជីវភាពខ្វះខាតនៅភូមិចំបក់គុយ ទទួលបាន សម្ភារៈគ្រឿងឧបភោគ បរិភោគ និង ថវិកាចំនួន១២៥,០០០.រៀល ។ ចំពោះគ្រួសារទុរគតជននៅភូមិជៀសឬស្សី ទទួលបានសម្ភារៈរួមមានគ្រឿងឧបភោគបរិភោគ
ថវិកាចំនួន១០០,០០០.រៀល ។
អំពូលសូឡាចំនួន០២ គ្រាប់អស់ថវិកា ៨០ដុល្លារ ឧបត្ថម្ភដង សូឡា លោកស្រី អន នឿនមេភូមិជៀសឬស្សី ថវិកា ៥០,០០០.រៀលនិង លោក ថោង សារឿន លោក ម៉ែន ចន្ថា លោក ហ៊ សុវណ្ណ មេភូមិអនុភូមិជំនួយការភូមិចំបក់គុយ ជួយថវិកាចំនួន៥០,០០០.រៀល៕
