(ឧត្តរមានជ័យ)មេគោចំនួន៤ក្បាលត្រូវចោរចូលលួចដឹកយកទៅបានដោយសុវត្ថិភាពនៅត្រង់ចំណុចផ្ទះប្រជាពលរដ្ធឈ្មោះឆៃសុខជា មួយកន្លែងខណ:ពេលដែលម្ចាស់កំពុងដេកលង់លក់នាយប់អាធ្រាត។ករណីនេះបានកើតឡើងនៅចុងសប្តាហ៏កន្លងទៅក្នុងយប់ថ្ងៃទី០៨ខែកក្កដាឆ្នាំ២០២៣ត្រង់ចំណុចជាប់លើផ្លូវជាតិលេខ៦៨ស្ថិតនៅក្នុងភូមិគិរីវន្ត សង្កាត់កូនក្រៀល ក្រុងសំរោង ខេត្តឧត្តរមានជ័យ។
ប្រភពពីលោកស្រីធៀមថា ភេទស្រីអាយុ៥៥ឆ្នាំត្រូវជាម្តាយឈ្មោះឆៃសុខជា ដែលជាម្ចាស់ផ្ទះទីតាំងបាត់មេគោអស់ចំនួន៤ក្បាលត្រង់ចំណុចខាងលើ គាត់បានរៀបរាប់ប្រាប់ឲ្យដឹងនៅថ្ងៃទី០៩ខែកក្កដាឆ្នាំ២០២៣នេះថា នៅយប់ថ្ងៃកើតហេតុកូនរបស់គាត់បានសម្រាកនៅក្នុងផ្ទះដូចសព្វមួយដង លុះដល់ពេលព្រលឹមឡើងស្រាងៗកូនរបស់គាត់ក៏បានដើរសំដៅទៅរកក្រោលគោដើម្បីដឹកបញ្ចេញទៅក្រៅ ខណ:ពេលនោះក៏បានឃើញមេគោនៅក្នុងក្រោលបាត់ គោមេអស់ចំនួន៤ក្បាល នៅសល់តែកូន៥ក្បាលប៉ុណ្ណោះក្នុងចំណោមគោចំនួន៩ក្បាល ពេលនោះកូនគាត់ក៏បានស្រែកឆោឡោហៅ ម៉ែ ឪ និងបងប្អូនអ្នកជិតខាងឲ្យមកជួយពិនិត្យមើលថា នៅក្នុងភូមិផ្ទះរបស់គាត់កាលពីយប់មិញមានចោរ ចូលលួចគោមេអស់ចំនួន៤ក្បាលបាត់ទៅហើយ។
លោកស្រីជាម្តាយម្ចាស់ផ្ទះដដែលបានបញ្ជាក់បន្ថែមថា ក្រោយពេលកូនគាត់ស្រែកឆោឡោផ្អើលដល់អ្នកភូមិរួចហើយក៏បានដើរទៅខាងមុខផ្ទះក៏ឃើញឆ្អែ១ក្បាលផ្សេងទៀតត្រូវក្រុមចោរបំពុលឲ្យងាប់ដែរ ដល់ពេលព្រឹកឡើងក៏បានរាយការណ៏ប្រាប់ទៅមេភូមិនិងប្តឹងសមត្ថកិច្ចមកជួយពិនិត្យមើលឃើញកន្លែងត្រង់ឆ្អែងាប់មាន សាច់មាន់និងកញ្ចប់ថ្នាំងពុលផ្សេងទៀត ហើយចំពោះទីតាំងផ្ទះកូនរបស់គាត់នេះកន្លងមកក៏បាត់គោអស់២ក្បាលនិងក្រោយមកទៀតក៏ធ្លាប់បាត់ម៉ូតូ១គ្រឿងដែរនិយាយទៅការបាត់គោសរុបទាំងអស់ចំនួន៦ក្បាលមកហើយទាំងយប់ថ្ងៃចុងក្រោយនេះ។
បើតាមការអះអាងពីលោក ស វៀច ភេទប្រុសអាយុ៦៣ឆ្នាំត្រូវជាប្តីនិងជាឪពុកម្ចាស់ទីតាំងផ្ទះបាត់គោខាងលើបានប្រាប់ឲ្យដឹងបន្តថា មេគោដែលបាត់ចំនួន៤ក្បាលនោះសុទ្ធសឹងជា គោមេទាំងអស់ ដែលភិនភាគ១រាងសប្បុរស និង៣ក្បាលទៀតសប្បុររាងពណ៌ត្នោត ចំពោះផ្ទះរបស់កូនគាត់ឈ្មោះឆៃសុខជានេះដែរ ហើយគោដែលចោរដាក់ថ្នាំបំពុលឆ្កែលួចយកទៅបាត់នោះពុំជាគោរបស់កូនគាត់ទាំងអស់នោះទេ កូនគាត់បាត់តែមេ១ ហើយមេគោ៣ទៀតគឺជាមេគោរបស់គាត់ផ្ញើរទុកនៅក្នុងក្រោលរាល់ថ្ងៃ ហើយមេគោ ដែលពួកចោរលួចយកទៅចំនួន៤ក្បាលនោះសុទ្ធតែមានក្រឡុះដាក់ខ្សែទាំងអស់ដោយឡែកកូនគោនៅសល់៥ក្បាលទៀត មិនទាន់ដាក់ក្រឡុះកើតទេ បើសិនជាដាក់ក្រឡុះរួចក៏ត្រូវពួកចោរលួចយកទៅបាត់អស់ដែរ ហើយមួយវិញទៀតបើតាមការសន្និដ្ធានរបស់គាត់ផ្ទាល់និងពិនិត្យជុំវិញផ្ទះឃើញថា មេគោរបស់គាត់ចំនួន៤ក្បាលនោះអាចពួកចោរដឹកចេញពីក្រោលបានប្រជា២០០ម៉ែត្រដឹកឡើងឡានតែម្តង ពីព្រោះគាត់បានដើរមើលឃើញមានស្នាមកង់ឡាន និងឃើញមានស្នាមជើងគោជ្រំដីច្រើនកន្លែងនិងមានលាមួកគោជុះនៅក្បែរនឹងទៀតផង។
គួររំលឹកថា សម្រាប់ករណីចោរតែងតែមានឪកាសធ្វើសកម្មភាពលួចសត្វពាហន:នៅក្នុងសង្កាត់កូនក្រៀល កន្លងមកក៏មានករណីចោរលួចក្របីអស់ចំនួន៧ក្បាលផងដែរកាលពីអំឡុងខែឧសភាឆ្នាំ២០២៣កន្លងទៅនេះ ដោយឡែកនៅពេលថ្មីៗនេះក្នុងយប់ថ្ងៃទី០៨ខែកក្កដាឆ្នាំ២០២៣ក្រុមចោរនៅតែធ្វើសកម្មភាពលួចមេគោអស់ចំនួន៤ក្បាលបន្ថែមទៀត ដោយលួចលើស្ថិតក្នុងផ្ទះដែលមានរបងព័ន្ធជុំវិញហើយលួចដឹកយកទៅបានដោយសុវត្ថិភាពផងដែរ។ ដោយលោក ប៊ុន ថេត.ឧត្តរមានជ័យ
