(ខេត្ដស្វាយរៀង)៖ ឯកឧត្តម ប៉ក់ ណារ៉ូន អនុប្រធានថ្នាក់កណ្តាលចុះជួយឃុំក្រោលគោ អញ្ជើញចូលរួមពិធីជួបសំណេះសំណាលជាមួយប្រជាពលរដ្ឋ ដែលជាសមាជិគណៈបក្សប្រជាជនកម្ពុជានិងបង្រៀនសមាជិកបក្សគូសសន្លឹកឆ្នោតនៅភូមិទួលខួចជិត៥០០នាក់ក្រោមអធិបតីដ៏ខ្ពង់ខ្ពស់ សម្តេចបណ្ឌិត ម៉ែន សំអន ស្ថិតនៅភូមិទួលខួច ឃុំក្រោលគោ ស្រុកស្វាយជ្រំ ខេត្តស្វាយរៀង នៅថ្ងៃទី១៦ ខែកក្កដា ឆ្នាំ២០២៣ ។
ឯកឧត្តម ប៉ក់ ណារ៉ូន ក៏បានក្រើនរំលឹកអំពីស្នាដៃ និងសមិទ្ធផលជាច្រើនដែលកើតចេញពីការដឹកនាំរបស់គណបក្សប្រជាជនកម្ពុជាលើគ្រម់វិស័យ អ្វីដែលពិសេសនោះគឺប្រទេសជាតិមានសុខសន្តិភាពពេញលេញផ្តល់ស្នាមញញឹមឲ្យពលរដ្ឋកម្ពុជារស់នៅដោយសុខសាន្តដូច្នេះដើម្បីរក្សាបានសន្តិភាព និងការរីកចំរើនបន្តទៀតសូមបងប្អូនបោះឆ្នោតជូនគណបក្សប្រជាជនកម្ពុជា ដើម្បីគាំទ្រសម្តេចតេជោ ហ៊ុន សែន ធ្វើនាយករដ្ឋមន្ត្រីក្នុងពេលបច្ចុប្បន្ន និងគាំទ្រឯកឧត្តមបណ្ឌិត ហ៊ុន ម៉ាណែត ធ្វើនាយករដ្ឋមន្ត្រីនាពេលអនាគត់។
ឯកឧត្តមក៏បានចូលរួមណែនាំឲ្យអនុវត្តជាក់ស្តែង សាកល្បងគូសសន្លឹកឆ្នោតជូនគណបក្សប្រជាជនកម្ពុជា ដែលមានរូបសញ្ញាទេវតាបាចផ្កា លេខរៀងទី១៨ ព្រមទាំងណែនាំក្នុងការត្រៀមឯកសារផ្សេងៗពាក់ព័ន្ធ សម្រាប់ទៅបោះឆ្នោត នៅថ្ងៃទី២៣ ខែកក្កដាឆ្នាំ២០២៣នាពេលខាងមុខនេះ ក្នុងពេលនោះដែរក៏មានការរៀបចំហូរនំបញ្ចុកសាមគ្គី ក្រោមម្លប់សន្តិភាព ជាមួយសម៉ាជិកបក្សភូមិទួលខួចយ៉ាងច្រើនកុះករ ពោពេញដោយស្នាមញញឹម ទិដ្ឋភាពនោះ ប្រព្រឹត្តទៅក្រោមបរិយាកាសសប្បាយរីករាយ និងស្និទ្ធស្នាលកក់ក្តៅយ៉ាងក្រៃលែង។
សម្តេចបណ្ឌិត ម៉ែន សំអន បានថ្លែងគូសបញ្ជាក់ថា សមាជិក សមាជិកា ត្រូវជឿជាក់លើគណបក្សប្រជាជន និងបន្តបោះឆ្នោតជូនគណបក្សប្រជាជន គឺបន្តអភិវឌ្ឍន៍ប្រទេស។ ចំណែកឯគណបក្សនយោបាយទាំង១៨ ដែលកំពុងធ្វើការឃោសនារកសម្លេងឆ្នោតដើម្បីទទួលបានការគាំទ្រគណបក្សរបស់ខ្លួន គឺប្រព្រឹត្តទៅបានក្រោមម្លប់នៃសុខសន្តិភាពរបស់គណបក្សប្រជាជនកម្ពុជា ។
សម្តេចកិត្តិសង្គហបណ្ឌិតបានបន្តថា រយៈកាលជាង ៤៤ឆ្នាំមកនេះ គណបក្សប្រជាជនកម្ពុជា បានខិតខំថែរក្សា និងការពារសុខសន្តិភាព ដែលរកបានមកយ៉ាងលំបាក ហើយបានបន្តជំរុញ ការអភិវឌ្ឍប្រទេសជាតិ ក្រោមការដឹកនាំប្រកបដោយគតិបណ្ឌិត និងមានចក្ខុវិស័យវែងឆ្ងាយ របស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានធ្វើឲ្យប្រទេសជាតិ មានសុខសន្តិភាពនិងការអភិវឌ្ឍន៍លើគ្រប់វិស័យ ព្រមទាំងជាប្រទេសដែលប្រកាន់យកនូវលទ្ធិប្រជាធិបតេយ្យ សេរីពហុបក្ស។
សម្តេចកិត្តិសង្គហបណ្ឌិត ក៏បានអំពាវនាវឲ្យប្រជាពលរដ្ឋទាំងអស់គ្នា សូមអញ្ជើញទៅបោះឆ្នោតនៅថ្ងៃទី ២៣ ខែកក្កដា ឆ្នាំ២០២៣ឲ្យបានគ្រប់គ្នា ពិសេស គឺត្រូវបោះឆ្នោតជូនគណបក្សប្រជាជនកម្ពុជា ដែលមានរូបសញ្ញា «ទេវតាបាចផ្កា» ដែលមានលេខរៀងទី១៨ ក្នុងសន្លឹកឆ្នោត និងបានអំពាវនាវដល់ប្រជាពលរដ្ឋដែលមានសិទ្ធបោះឆ្នោត ត្រូវគូសលើសន្លឹកឆ្នោតឲ្យបានត្រឹមត្រូវ ដើម្បីរក្សាតម្លៃនៃសន្លឹកឆ្នោត ស្របតាមទិសស្លោក សន្លឹកឆ្នោតមួយសន្លឹក ជាការគាំទ្រគណបក្សប្រជាជនមួយសម្លេង និងបានចូលរួមចំណែកក្នុងការអភិវឌ្ឍប្រទេសជាតិ ។
សូមបញ្ជាក់ថា នៅក្នុងចុងបញ្ចប់នៃកម្មវិធី សម្តេចកិត្តិសង្គហបណ្ឌិត និងក្រុមការងារ ក៏បានបង្រៀន សមាជិក សមាជិកាបក្សឲ្យចេះគូសសន្លឹកឆ្នោតផងដែរ៕
