ស្វាយរៀង ៖ នៅយប់ថ្ងៃទី២០ ខែកក្កដា ឆ្នាំ២០២៣ ដោយអនុវត្តតាមគោលនយោបាយភូមិ–ឃុំមានសុវត្ថិភាព លោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំ បានចាត់ កម្លាំងប៉ុស្តិ៍នគរបាលរដ្ឋបាលទាំង១៦ប៉ុស្តិ៍ព្រមទាំងប្រជាការពារ នៃអធិការនគរបាលស្រុកស្វាយជ្រំ ចេញល្បាតចល័តការពារសន្តិសុខតាមគោលដៅប្រទាក់ក្រឡានៅក្នុងភូមិសាស្រ្តប៉ុស្តិ៍របស់ខ្លួន។
លោកអធិការនគរបាលស្រុកស្វាយជ្រំបានដាក់បទបញ្ជាយ៉ាងមុឺងម៉ាត់ដល់កម្លាំងនគរបាលស្រុកស្វាយជ្រំទាំងអស់ត្រូវយកចិត្តទុកដាក់ការពារសន្តិសុខសណ្តាប់ធ្នាប់សាធារណៈធ្វើយ៉ាងណារក្សាអោយបាននូវសុខសន្តិភាពជូនពលរដ្ឋនៅក្នុងមូលដ្ឋាន។
លោកវរសេនីយ៍ឯក សោម សុភ័ណ្ឌ បានបញ្ជាក់ថាខាងក្រោមនេះជាលេខទូរស័ព្ទទាន់ហេតុការណ៍របស់អធិការដ្ឋាននគរបាលស្រុកស្វាយជ្រំ បើបងប្អូនមានបញ្ហាបន្ទាន់អាចទំនាក់ទំនងបានគ្រប់ពេលវេលា 097 778 0087។សូមអរគុណ!
