(ឧត្តរមានជ័យ)មានហេតុការណ៍គ្រោះថ្នាក់ចរាចរណ៍មួយបង្កឡើងដោយខ្លួនឯងដោយរថយន្តសាំយ៉ុងពណ៌លឿងបើកបោះពួយយ៉ាងលឿននៅលើផ្លូវយុទ្ធសាស្ត្រគោលដៅពីកើតទៅលិចលុះមកដល់ចំណុចកើតហេតុក៏បានផ្ទុះកង់ក្រឡាប់ផ្ងារជើងលើចិញ្ចើមជាច្រើនត្រឡប់ករណីនេះបានកើតឡើងនៅថ្ងៃចុងសប្តាហ៏ម្សិលមិញនេះត្រង់ចំណុចស្ពានអូរទឹកចោលក្នុងភូមិថ្មដូន ឃុំគោកមន ស្រុកបន្ទាយអំពិលខេត្តឧត្តរមានជ័យ។
បើតាមប្រភពចេញពីកន្លែងកើតហេតុបានប្រាប់ឲ្យដឹងនៅថ្ងៃទី២៣ខែកក្កដាឆ្នាំ២០២៣ម្សិលមិញថា រថយន្តប្រភេទសាំយ៉ុងពណ៌លឿងខាងលើនេះដែរគាត់បានឃើញក្រឡាប់តាំងពីអំឡុងយប់អាធ្រាតមកម្ល៉េះហើយជាក់ស្ដែងក្រោយពីឡានក្រឡាប់ភ្លាមៗពួកគាត់ក៏បានឃើញមនុស្សជាច្រើនបាននាំគ្នាលើកឈើៗចេញពីអស់ភ្លាមៗផងដែរហើយខណ:នោះក៏គាត់បានសន្និដ្ធានថាជាឡានដឹកឈើតែម្តង។
ប្រភពមួយផ្សេងទៀតពីសមត្ថកិច្ចមូលដ្ឋានបានលួចបង្ហើបប្រាប់ថារថយន្តខាងលើនេះគឺជារថយន្តដឹកឈើពិតប្រាកដមែនហើយក្រោយដែលពេលកើតហេតុរួចក្រោយពីទទួលពត៌មានពីប្រជាពលរដ្ធរស់នៅជាប់ទីតាំងកន្លែងកើតហេតុ និងយោងតាមការអះអាងពីរនាក់ដែលឃើញហេតុការណ៍នៅទីតាំងចំណុចកើតហេតុខាងលើពួកគាត់ប្រាប់ថាក្រោយពេលខេត្តហេត្តភ្លាមៗគឺមានមនុស្សជាច្រើននាក់បានយករថយន្តផ្សេងមកផ្ទេរសាងដឹកឈើអស់បាត់ហើយដើម្បីបំបាត់វត្ថុតាង។ពាក់ព័ន្ធទៅនឹងករណីគ្រោះថ្នាក់ចរាចរណ៍នេះដែរដល់ពេលព្រឹកឡើងចំពោះរថយន្តគឺត្រូវម្ចាស់ដោះផ្លាកលេខចេញអស់ហើយជាក់ស្ដែងរថយន្តគឺបានក្រឡាប់ជាច្រើនត្រឡប់ មូលហេតុមកពីផ្ទុះដាច់កង់ ធ្វើឲ្យខូចខាតផ្លូវថ្នល់អស់មួយចំនួនផងដែរ។
សូមជម្រាបផងដែរថាពាក់ព័ន្ធទៅនឹងឡានដឹកឈើដែលក្រឡាប់នៅលើផ្លូវចំណុចអូរទឹកចោលក្នុងទឹកដីភូមិសាស្ត្រ ថ្មដូន ឃុំគោកមន ស្រុកបន្ទាយអំពិល ក្រុមអ្នកសារព័ត៌មានយើងមិនអាចសុំការបញ្ជាក់ពីអាជ្ញាធរពាក់ព័ន្ធបាននៅឡើយទេដោយទាក់ទងទៅសួរខាងអាជ្ញាធរស្រុកបន្ទាយអំពិលលោកបានបញ្ជាក់តាមទូរស័ព្ទមកវិញថាចំពោះករណីនេះលោកពុំទាន់បានទទួលបានពត៌មាននៅឡើយទេរួចក៏បានបិទទៅវិញ។
