(ឧត្តរមានជ័យ)មានហេតុការណ៏គ្រោះថ្នាក់ចរាចរណ៍មួយបានកើតឡើងដោយសារមានឡានកូរ៉េដឹកទំនិញធុនធំពណ៌សមួយគ្រឿងម៉ាកហុីណូ(HINO)ដែលពាក់ស្លាកលេខ ឧត្តរមានជ័យ.3A.0185.បើកបរក្នុងទិសដៅពីកើតទៅលិចខណ:ពេលដែលមេឃកំពុងតែមានភ្លៀងក៏បានឲ្យរ៉េចង្កូតរអិលទៅបុកផ្ទះប្រជាពលរដ្ឋជាអ្នកលក់ដូរចាប់ហួយចំយ៉ាងពេញទំហឹងបណ្ដាលឲ្យខូចខាតសម្ភារ:អីវ៉ាន់នៅក្នុងតូបអស់មួយចំនួនតែមិនបង្កគ្រោះថ្នាក់ដល់មនុស្សនោះទេ។ករណីនេះបានកើតឡើងនៅវេលាម៉ោង៤ជិត៥ថ្ងៃទី២៤ខែកក្កដាឆ្នាំ២០២៣ក្នុងភូមិពពេល ឃុំផ្អាវ ស្រុកត្រពាំងប្រាសាទ។
លោកវរសេនីយ៏ទោ ជ័យវាសនា អធិការនគរបាលស្រុកត្រពាំងប្រាសាទបានប្រាប់ឲ្យដឹងថា មានករណីគ្រោះថ្នាក់ចរាចរណ៍នេះបានកើតឡើងនៅចំណុចភូមិពពេល ឃុំផ្អាអាវ ស្រុកត្រពាំងប្រាសាទ ខេត្តឧត្តរមានជ័យនៅវេលាម៉ោងចន្លោះ ៤ជិត៥ល្ងាចថ្ងៃទី២៤ខែកក្កដាឆ្នាំ២០២៣នេះ។
លោកអធិការដដែលបានបញ្ជាក់បន្ថែមថា ក្រោយទទួលបានពត៌មានមកថាមានករណីគ្រោះថ្នាក់ចរាចរណ៏មួយបង្កឡើងដោយឡានធុនធំបើករ៉េចង្កូតបុកតូបអ្នកលក់ចាប់ហួយត្រង់ចំណុចខាងលើភ្លាមៗនោះលោកបានចាត់ឲ្យកម្លាំងជំនាញចុះទៅពិនិត្យដល់ទីតាំងកើតហេតុ ខណ:នោះក៏បានឃើញខូតខាតនូវរបស់របរមួយចំនួនផងដែរ ហើយជាក់ស្តែងចំពោះករណីនេះបើតាមការសាកសួរពីអ្នកបើកបរផ្ទាល់ មូលហេតុមកពីស្ថានភាពផ្លូវរអិលស្របពេលមេឃកំពុងតែមានភ្លៀងផងក៏តៃកុងឡានបើករ៉េចង្កូតទៅបុកតូបផ្ទះអ្នកលក់ចាប់ហួយតែម្តងទៅហើយនេះពិតជាសំណាងល្អមែនទែនក្នុងមួយពាន់គ្រោះថ្នាក់ដោយពុំមានប៉ះពាល់គ្រោះថ្នាក់ដល់មនុស្ស។
សូមបញ្ជាក់ថា បើតាមការអះអាងពីលោកអធិការស្រុកត្រពាំងប្រាសាទ បានប្រាប់បន្ថែមថាក្រោយកើតហេតុរួច ភាគីខាងរថយន្តនិងម្ចាស់ផ្ទះបានធ្វើការសម្របសម្រួលដោះស្រាយគ្នាបញ្ចប់រឿងនៅនឹងកន្លែងដោយម្ចាស់ឡានយល់ព្រមសងថ្លៃការខូតខាតរបស់របរនៅក្នុងតូបលក់នោះនៅល្ងាចថ្ងៃដដែលនេះផងដែរ។
