(ឧត្តរមានជ័យ)នាព្រឹកថ្ងៃទី០២ខែសីហាឆ្នាំ២០២៣ ឯកឧត្តម កែវ រតន: រដ្ធមន្ត្រី ប្រតិភូអមនាយករដ្ធមន្ត្រី ទទួលបន្ទុកអគ្គនាយកអគ្គិសនីកម្ពុជា អញ្ជើញជាអធិបតីដ៏ខ្ពង់ខ្ពស់ក្នុងដំណើរជួបសំណេះសំណាលសួរសុខទុក្ខដល់នាយ ពលទាហាន នាយពលនគរបាល ស្តិតនៅត្រង់ចំណុចបរិវេណទីបញ្ជាការវរសេនាតូច៤២២សមរភូមិមុខទិសប្រាសាទតាមាន់ ក្នុងឃុំគោកមន ស្រុកបន្ទាយអំពិល ខេត្តឧត្តរមានជ័យ។
ឆ្លៀតក្នុងឪកាសនោះដែរ ឯកឧត្តម ឧត្តមសេនីយ៏ទោ ប៉ែន វ៉ូយ មេបញ្ជាការកងពលតូចថ្មើរជើងលេខ៤២ បានបញ្ជាក់ប្រាប់ឲ្យដឹងនៅថ្ងៃទី០២ខែសីហាឆ្នាំ២០២៣ក្នុងអង្គពិធីនេះថា ស្ថិតក្នុងការបំពេញភារកិច្ច ជូនជាតិមាតុភូមិគឺពិតជាបានផ្តល់នូវកិត្តិយស ក្នុងការរិតចំណងសាមគ្គីភាព សម្ព័ន្ធមេត្រីភាព ក្នុងន័យជួយកសាងពង្រឹង ពង្រីកកងកម្លាំងប្រដាប់អាវុធឲ្យមានគុណភាព តាមរយះការហាត់ហ្វឹកហ្វឺន បំប៉នជំនាញឯកទេស ដោយម្ចាស់ការផង និងមានប្រសិទ្ធិភាពខ្ពស់ ដើម្បីធានាការពារ បូរណភាពទឹកដី ពិសេសការពារខ្សែបន្ទាត់ព្រំដែនជាក់ស្តែងតែម្តង ជាងនេះទៅទៀតត្រូវដឹងគុណស្ថាបនិក មគ្គុទ្ទេសក៏ឯកនិងប្រតិបត្តិករនយោបាយ ឈ្នះ ឈ្នះ របស់ប្រមុខរាជរដ្ធាភិបាលកម្ពុជាដែលមានសម្តេចអគ្គមហាសេនាបតីតេជោ ហ៊ុនសែននាយករដ្ធមន្ត្រីនៃព្រះរាជាណាចក្រកម្ពុជានិងសម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនដែលនាំមកនូវសន្តិភាពនិងការឯកភាពជាតិពេញលេញផងដែរ។
ថ្លែងនៅក្នុងឪកាសដំណើេអញ្ជើញសួរសុខទុក្ខដល់នាយទាហានពលទាហាននៅព្រឹកថ្ងៃទី០២ខែសីហាឆ្នាំ២០២៣នេះ ឯកឧត្តម កែវ រតន: រដ្ធមន្ត្រី ប្រតិភូអមនាយករដ្ធមន្ត្រី ទទួលបន្ទុកអគ្គនាយកអគ្គិសនីកម្ពុជា ក៏បានមានប្រសាសន៏ផ្តាំផ្ញើរសួរសុខទុក្ខពីមន្ត្រីអគ្គិសនីកម្ពុជាទាំងអស់គ្នាទៅដល់បងប្អូនកងទ័ពគ្រប់រូបតំណាងដ៏ខ្ពង់ខ្ពស់ពីសម្តេច អគ្គសេនាបតី តេជោ ហ៊ុន សែននាយករដ្ធមន្ត្រីនៃព្រះរាជាណាចក្រកម្ពុជានិងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលជានិច្ចជាកាលសម្តេចទាំងទ្វេលោកបានយកចិត្តទុកដាក់ ឧបត្ថម្ភគាំទ្រដល់ កងយោធពលខេមរ:ភូមិន្ទ ដោយចាត់ទុកថា វិស័យការពារជាតិជាវិស័យអាទិភាពខ្ពស់បំផុត ក្នុងការថែរក្សាការពារ សន្តិសុខ ការពារបូរណភាពទឹកដី ដើម្បីអភិវឌ្ឍន៏ ព្រះរាជាណាចក្រកម្ពុជា និងភាពសុខដុមរមនារបស់ប្រជាពលរដ្ធទូទាំងប្រទេសជាដើម។
សូមជម្រាបថា ស្ថិតនៅក្នុងថ្ងៃនេះអគ្គិសនីកម្ពុជាក៏បាននាំយកមកនូវគ្រឿងឧបភោគ បរិភោគ ផ្តល់ជូនដល់ដៃកងទ័ពក្នុងទីបញ្ជាការវរសេនាតូចលេខ៤២២ចំណុះឲ្យកងពលតូចថ្មើរជើងលេខ៤២សមរភូមិមុខប្រចាំទិសប្រាសាទតាមាន់និងកងកម្លាំងនគរបាលការពារព្រំដែនគោកលេខ៧០២មួយចំនួផងដែរ។
