(ឧត្តរមានជ័យ)សមត្ថកិច្ចចាប់បញ្ជូនជនសង្ស័យម្នាក់ទៅកាន់សាលាដំបូងខេត្តហើយកាលពីព្រឹកថ្ងៃទី១៤ ខែ សីហា ឆ្នាំ២០២៣ពាក់ព័ន្ធករណីលួចមានស្ថានទម្ងន់ទោស នេះបើយោងតាមការឲ្យដឹងពីលោកឧត្តរសេនីយ៏ត្រី ជួនសួរ ស្នងការរងទទួលផែនការងារនគរបាលព្រហ្មទណ្ឌ។
ការឃាត់ខ្លួននេះដែរធ្វើឡើងដោយមានការណែនាំ ចង្អុលបង្ហាញពីសំណាក់ លោកឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តឧត្តរមានជ័យ លោកឧត្តមសេនីយ៍ត្រី ជួន សួរ ស្នងការររងទទួលផែនការងារនគបាលព្រហ្មទណ្ឌ បានចុះដឹកនាំផ្ទាល់និងបានសហការជាមួយកម្លាំងអធិការដ្ឋាននគរបាលស្រុកបន្ទាយអំពិល បំបែកបានករណី (លួចមានស្ថានទម្ងន់ទោស)ស្ថិតនៅចំណុចភូមិ វល្លិ៍យាវ ឃុំបេង ស្រុកបន្ទាយអំពិល ខេត្តឧត្តរមានជ័យ ដែលជនសង្ស័យខាងលើប្រព្រឹត្តទៅកាលពីអំឡុងថ្ងៃទី ០៧ ខែ កក្កដា ឆ្នាំ២០២៣ នៅវេលាម៉ោង ០៧នឹង១០ព្រឹកកន្លងទៅក្នុងភូមិសាស្ត្រស្រុកបន្ទាយអំពិល។
ជនសង្ស័យដែលសមត្ថកិច្ចចាប់ឃាត់ខ្លួនបានមានឈ្មោះម៉ុកវេកភេទប្រុសអាយុ៣៣ឆ្នាំរស់នៅចំណុចការ៉េ២ក្នុង ភូមិណាំតៅ ឃុំណាំតៅ ស្រុកភ្នំស្រុក ខេត្តបន្ទាយមានជ័យ មុខរបរមិនពិតប្រាកដ។
គួររំលឹកថា កាលពីអំឡុងថ្ងៃទី០៧ខែកក្កដាឆ្នាំ២០២៣ វេលាម៉ោង៧និង០០នាទីព្រឹកចំណុចផ្លូវវាលព្រលឹតកន្លងទៅជនសង្ស័យខាងលើរួមនឹងបក្សពួកម្នាក់ទៀតបានប្រព្រឹត្តសកម្មភាពឃាត់លួចយកម៉ូតូ១គ្រឿងមានស្ថានទម្ងន់ទោសនិងគំរាមសម្លាប់ជនរងគ្រោះឈ្មោះតង់សាឡាត់ភេទស្រីរួចមកក៏នាំគ្នាជិះម៉ូតូរត់គេចខ្លួនបាត់ស្រមោលដែលករណីនេះបានកើតឡើងស្ថិតនៅចំណុច ឃុំបេង ស្រុកបន្ទាយអំពិល ខេត្តឧត្តរមានជ័យ ក្រោយមកទៀតសមត្ថកិច្ចស្រាវជ្រាវចាប់ខ្លួនបានតែម្តង។
បច្ចុប្បន្ន កម្លាំងជំនាញកសាងសំណុំរឿងបញ្ជូនជនសង្ស័យទៅកាន់សាលាដំបូងខេត្ត ដើម្បីអនុវត្តទៅតាមនីតិវិធីច្បាប់។ដោយប៊ុនថេត.ឧត្តរមានជ័យ.១៤.០៨.២០២៣
