ខេត្តស្វាយរៀង៖ បន្ទាប់ពីមានការចុះផ្សាយព័ត៌មាន របស់អង្គភាពសារព័ត៌មានយើងមានចំណងជើងថា (អុញនោះ! ផ្លូវសាធារណៈមួយកន្លែង ត្រូវបានម្ចាស់ឃ្លាំងស្តុកទំនិញយកធ្វើជាអាជីវកម្ម នៅស្រុករមាសហែក)ឥឡូវនេះអាជ្ញាធរស្រុករមាសហែកបានចុះធ្វើកិច្ចសន្យាហើយ។
នៅថ្ងៃទី២៩ខែសីហាឆ្នាំ២០២៣លោក ស៊ូ ម៉ុល ប្រធានគណៈបញ្ជាការឯកភាពស្រុកនិងជាអភិបាលស្រុករមាសហែកបានចាត់អោយអាជ្ញាធរ ជំនាញចុះរៀបចំសណ្ដាប់ធ្នាប់អោយមានរបៀបរាប់រយ ឡើងវិញដែលស្ថិតនៅក្នុងភូមិស្រះឃុំជ្រៃធំ ស្រុករមាសហែក ខេត្ដស្វាយរៀង ដោយមានម្ចាស់អាជីវករ ធ្វើជាអាជីវកម្មដោយដាក់អីវ៉ាន់ និងចតរថយន្ដ រុឺម៉កលើផ្លូវ សាធារណៈ ម្ចាស់ មានឈ្មោះយឹម ខា ភេទស្រី អាយុ៤១ឆ្នាំ មានទីលំនៅភូមិស្រះឃុំជ្រៃធំ ស្រុករមាសហែក ខេត្ដស្វាយរៀង។
សមត្ថកិច្ចជំនាញបានធ្វើកិច្ចសន្យាចំពោះ ម្ចាស់ទីតាំង មានឈ្មោះយឹម ខា បានធ្វើកិច្ចសន្យាដូចតទៅ៖
១ .ឈប់ដាក់អីវ៉ាន់នៅលើចិញ្ចើមផ្លូវទៀតហើយ
២.រកកន្លែងដាក់អីវ៉ាន់អោយមានរបៀបរាប់រយផង
៣.ឈប់អោយរថយន្តនិងម៉ូតូសណ្ដោងរឺម៉ក ម៉ូយមកយកអីវ៉ាន់ឈប់ចតលើផ្លូវសាធារណៈដែលបណ្ដាលអោយសន្ទះចររាចណ៍៕
