(ឧត្តរមានជ័យ) ផ្លូវថ្នល់ដែលទើបនឹងសាងសង់ថ្មី ត្រូវបាន ប្រេះបែកក្រហែងដោយសារកត្តាឡានធំៗបើកឆ្លងកាត់ ជាក់ស្តែងនៅ ថ្ងៃម្សិលមិញនេះមានបងប្អូនប្រជាពលរដ្ធផុសនៅលើបណ្តាញសង្គមហ្វេសប៊ុក ផ្លូវ ដែលទើបនឹងសាងសង់រួចត្រូវបានប្រេះស្រាំទៅជាខ្នងអណ្ដើក។ទីតាំងផ្លូវដែលកំពុងរងការខូតនេះដែរស្ថិតនៅត្រង់ចំណុចផ្លូវលេខ៦គឺមានចម្ងាយពីរ សាលាសង្កាត់សំរោងប្រមាណជាបីទៅបួនរយម៉ែត្រ ក្នុងភូមិបុរីរដ្ឋបាល សង្កាត់សំរោង ក្រុងសំរោង ខេត្តឧត្តរមានជ័យ។
បើតាមការឲ្យដឹងពីប្រជាពលរដ្ឋដែលមានទីតាំងរស់នៅ តាមផ្លូវបានបង្ហើបប្រាប់ឲ្យដឹងនៅថ្ងៃទី០៦ខែកញ្ញាឆ្នាំ២០២៣ថា ផ្លូវនេះទើបសាងសង់រួចប្រមាណជាបីទៅបួនខែប៉ុណ្ណោះ ខណៈដែលនៅពេលថ្មីៗនេះក៏ឃើញមានរថយន្តធំៗ បើកឆ្លងកាត់បណ្ដាលឲ្យខូចខាតផុងផុស ប្រេះស្រាំខ្ទេចខ្ទីអស់ជាច្រើនកន្លែងតែម្តង។
ប្រភពពីប្រជាពលរដ្ឋ ផ្សេងទៀតក៏បានលើកឡើងថា ចំពោះការធ្វើផ្លូវនេះផងដែរហាក់បីដូចជាមិនមានគុណភាពទាល់តែសោះ ព្រោះថាផ្លូវក្រាលកៅស៊ូមួយខ្សែនេះ គ្រាន់តែឡានធំបើកកាត់ប៉ុណ្ណឹងសោះបាក់ស្រុតដែរ ចុះទម្រាំដល់ខែប្រាំងឡានដឹកដី បើកឆ្លងកាត់ពីព្រឹកដល់ល្ងាចនោះវិញមិនខូតកាន់ខ្លាំងថែមទៀតហើយ។
គួររំឭកថា បើតាមការអះអាងពីបងប្អូនប្រជាពលរដ្ឋរស់នៅតាមដងផ្លូវលេខ០៦បានរិះគន់ទៅលើអាជ្ញាធរសង្កាត់សំរោងយ៉ាងពេញទំហឹងតែម្តង ចំពោះទីតាំងផ្លូវនៅ ច្រកចូលសាលាសង្កាត់សំរោងមានក្រឡិកក្រឡុកជាពិសេសគឺពេលពួកគាត់ធ្វើដំណើរលើផ្លូវចូលទៅសាលាសង្កាត់ផ្ទាល់ម្តងៗ ឃើញមានកន្លុកហើយភាគច្រើនដល់សិស្សសាលាចេញពីរៀនពេលចេញដំណើរទៅផ្ទះជិះឆ្លងកាត់ទង្គិចគ្នាសឹងតែមានគ្រោះថ្នាក់នៅប្រការណាមួយក៏ថាបាន នេះសបញ្ជាក់ឲ្យឃើញថាសូម្បីតែផ្លូវច្រកចូលសាលាសង្កាត់ លោកចៅសង្កាត់ពុំអើពើផងចុះទម្រាំតែផ្លូវកន្លែងផ្សេងទៀតម្ដេចនិងមានគម្រោងជួសជុលធ្វើទៅ។
