(ឧត្តរមានជ័យ)ដោយកន្លងមកនៅក្នុងអំឡុងថ្ងៃ ទី១៦ខែសីហាឆ្នាំ២០២៣ មានការចុះផ្សាយ នៅលើបណ្ដាញសារព័ត៌មានអំពីការអភិវឌ្ឍផ្លូវក្នុងមូលដ្ឋានភូមិកណ្តែក ដោយមានខ្លឹមសារថា សង្កាត់សំរោង ពុំបានយកថវិការមូមនិធិឃុំមកសាងសង់ផ្លូវថ្នល់នោះពុំមែនជាការពិតឡើយ។
ជាក់ស្ដែងនៅព្រឹកថ្ងៃ១១ខែកញ្ញាឆ្នាំ២០២៣នេះ លោកឡាន វាំង ជាមេភូមិកណ្តែកបានឲ្យដឹងថា ផ្លូវចំនួនបីខ្សែ គឺសាងសង់ផ្លូវក្រាលក្រួសក្រហម របស់មូលនិធិសង្កាត់ ចាប់តាំងពីអំឡុងឆ្នាំ២០១៦បាន១ខ្សែប្រវែង៤០០ម៉ែត្រ នៅឆ្នាំ២០២០ មូលនិធិសង្កាត់បានធ្វើផ្លូវបន្ថែមបាន១ខ្សែទៀតប្រវែង៤៦០ម៉ែត្រ ដោយឡែកនៅឆ្នាំ២០២៣នេះ ខាងសង្កាត់សំរោងបានធ្វើផ្លូវក្រាលក្រួសក្រហមក្នុងភូមិកណ្តែក១ខ្សែទៀតប្រវែង១០០០ម៉ែត្រ សរុបទាំងអស់ចំនួន៣ខ្សែ។
លោកមេភូមិដដែលបានប្រាប់បន្តថា ផ្លូវទាំងនេះ ក្រោយ ពីអាជ្ញាធរ ឃុំ សង្កាត់បានចុះត្រួតពិនិត្យហើយក្រោយមកទៀតក៏បានធ្វើ រួចរាល់ជាបន្តបន្ទាប់ តាមគំរោងផែនការឆ្នាំនីមួយៗដើម្បីឲ្យបងប្អូនប្រជាពលរដ្ឋធំធ្វើដំណើរបានស្រួល រហូតមកដល់មានការចុះផ្សាយ ថា សង្កាត់ពុំបានយកថវិការមកធ្វើផ្លូវនោះវាខុសទាំងស្រុងតែម្តង ហើយមួយវិញទៀត ក្នុងនាមអាជ្ញាធរភូមិកណ្ដែកក៏សូមបញ្ជាក់ជូនសាធារណជនក៏ដូចជា ថ្នាក់ដឹកនាំគ្រប់លំដាប់ថ្នាក់ ឲ្យបានទទួលជ្រាបថារាល់ការផ្សាយរបស់បណ្តាញសារព័ត៌មានកន្លងមកនេះគឺពុំមែនជាការពិតនោះទេ។
គួររំលឹកថា ដូចនេះក្នុងនាមអាជ្ញាធរភូមិសូមបងប្អូនប្រជាពលរដ្ឋនៅក្នុងភូមិកណ្តែកទាំងអស់គ្នាក៏ដូចជានៅតាមបណ្ដាក្រុងស្រុកទាំង៥ក្នុងភូមិសាស្ត្រ ខេត្តឧត្តរមានជ័យ សូមមេត្តាកុំឲ្យ មានការយល់ច្រឡំ ក្នុងការផ្សព្វផ្សាយខាងលើហើយក៏បញ្ជាក់ថា រាល់ផ្លូវក្រាលក្រួសក្រហមដែលអ្នកភូមិធ្វើដំណើរឆ្លងកាត់ជារៀងរាល់ ចំពោះផ្លូវថ្នល់ទាំងអស់នេះគឺគម្រោងមូលនិធិ សង្កាត់សំរោងតែងតែធ្វើរួចរាល់ជាបន្តបន្ទាប់ហើយថ្ងៃមុខ ក៏បន្តធ្វើផ្លូវផ្សេងៗបន្ថែមទៀតដើម្បីបង្កភាពងាយស្រួលជូនដល់បងប្អូនប្រជាពលរដ្ធផងដែរ។
