(ឧត្តរមានជ័យ)នាព្រឹកថ្ងៃទី១១ ខែកញ្ញា ឆ្នាំ២០២៣ វេលាម៉ោង ០៨និង០០ននាទីម្សិលមិញនេះលោកឧត្ដមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តឧត្ដរមានជ័យ បានបន្តចុះជួបដោយផ្ទាល់ជាមួយអាជ្ញាធរមូលដ្ឋាន សហគមន៍ និង ប្រជាពលរដ្ឋ គាំទ្រជម្រុញ និងពង្រឹងបន្ថែម ការងារ អនុវត្តការងារនគរបាលនិងសហគមន៍ នៅឃុំបេង ស្រុកបន្ទាយអំពិល ខេត្តឧត្តរមានជ័យ។
កិច្ចប្រជុំនេះ ក៏មានការអញ្ជើញចូលរួមពី លោក ក្រាញ់ មេន ប្រធានក្រុមប្រឹក្សាស្រុក លោក នៅសំ តារារិទ្ធ អភិបាលស្រុកបន្ទាយអំពិល, លោកអធិការ អធិការរង លោកនាយ-នាយរង-មន្ត្រីប៉ុស្តិ៍, ក្រុមប្រឹក្សាសង្កាត់, មេភូមិ អនុភូមិទាំង២៨ និងប្រជាការពារភូមិ សហគមន៍ សរុបចំនួន ៧៧ នាក់//ស្រី ០៤ នាក់ ។
ថ្លែងនៅក្នុងកិច្ចប្រជុំ ដ៏មានសារៈសំខាន់នោះ ផងដែរ លោកឧត្ដមសេនីយ៍ទោ ហួតសុធីស្នងការនគរបាលខេត្ត បានមានប្រសាសន៍លើកឡើងថា យោងតាមសេចក្ដីណែនាំរបស់អគ្គស្នងការដ្ឋាននគរបាលជាតិលេខ០១៣ សណ ន ចុះថ្ងៃ០៦ ខែតុលាឆ្នាំ២០១៧ ក្នុងនោះលោកស្នងការបានសង្គត់ធ្ងន់បន្ថែមទៀតថា តួនាទីភារកិច្ច ការងារនគរបាល និង ផ្តោតសំខាន់លើខ្លឹមសារមួយចំនួនដែលយើងត្រូវអនុវត្តជាប្រចាំមានដូចជា ៖
១. ធ្វើឲ្យនគរបាល កាន់តែគៀកជិតស្និតជាមួយអាជ្ញាធរពាក់ព័ន្ធ រួមនឹងប្រជាពលរដ្ឋ ។
២. ចូលរួមយ៉ាងផុសផុលរាល់សកម្មភាពសង្គម ដើម្បីផលប្រយោជន៍រួម ។
៣. រួមគ្នាបង្ការទប់ស្កាត់រាល់បទល្មើសគ្រប់ប្រភេទ ជាពិសេស បទល្មើសលួច ឆក់ប្លន់ ។
៤. ផ្តល់សេវាសាធារណៈឲ្យបានល្អ ឆាប់រហ័សប្រកបដោយទំនុកចិត្ត ។
៥. ដោះស្រាយបញ្ហាប្រឈមនានាក្នុងមូលដ្ឋាន ។
៦. ត្រូវលុបបំបាត់បញ្ហាចោរកម្ម (លួចម៉ូតូ)
ជាក់ស្តែងធ្លាប់មានបទពិសោធន៍លួចនៅឃុំបេង ករណីនេះជំនាញបង្រ្កាបបានរួចរាល់អស់ហើយដែរ ។
៧- បានណែនាំដល់ប៉ុស្តិ៍ក៏ដូចជាឃុំ-សង្កាត់អោយរួមគ្នាគិតរិះរកដំណោះស្រាយបញ្ហាបទល្មើសនៅក្នុងមូលដ្ឋាន។
៨ – ចុះល្បាតជាប្រចាំតាមគោលដៅដែលងាយរងគ្រោះជាដើម។ល។
សូមជម្រាបថា លោកស្នងការ ក៏បានណែនាំទៅដល់កម្លាំងនគរបាលប៉ុស្តិ៍រដ្ឋបាល និងអ្នកពាក់ព័ន្ធទាំងអស់ ត្រូវអនុវត្តស្មារតីអង្គប្រជុំដ៏មានសារ:សំខាន់នេះអោយមានប្រសិទ្ឋភាព ខ្ពស់ដោយទទួលខុសត្រូវ ហើយ ខែបន្ទាប់និងប្រជុំត្រួតពិនិត្យបន្តទៀតផងដែរ។
